اسلام آباد۔25جولائی (اے پی پی): مزن وزیر محمد شہباز شریف ءَ گوشت کہ ادارگی اصلاحات ‘گہتری کار’ مئے حکومت ءِ اولی ترجی آنی تہ ءَ ھوار اَنت، ءُ معیشت ءِ ڈیجیٹلائزیشن، سرکاری ادارگ آنی رائٹ سائزنگ ءُ سرکاری ادارگ آنی تہ ءَ میرٹ ءِ سر ءَ ماھمکین آنی گچین کنگ ءِ ایجنڈا ءِ سر ءَ عمل کنگ بوھگ ءَ اِنت۔ آئی ءَ اے ھیالانی درشانی جمعہ ءِ روچ ءَ وتی سروکی ءَ وفاقی وزارت ءُ محکمہ آنی تہ ءَ تکنیکی ماھمکین آنی گچین کنگ، درملکی سرمایہ کاری ءِ ھوالگ ءَ حکمت عملی ءِ جوڑ کنگ ءُ پبلک پرائیویٹ پارٹنر شپ اتھارٹی ءِ ھوالگ ءَ پیشرفت ءِ ھوالگ ءَ جائزہ ءِ دیوان ءَ گوں تران کنان ءَ کت۔ گند ءُ نند ءَ وفاقی وزیر ءِ منصوبگ بندی احسن اقبال، وفاقی وزیر اقتصادی امور احد خان چیمہ، وفاقی وزیر کانود ءُ انصاف اعظم نظیر تارڑ، مزن وزیر ءِ صنعت ءُ پیداوار ءِ مشیر ہارون اختر ءُ سیادی داروکیں مزنیں حکومتی افسراں بھر زرتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ دیوان ءَ گوں گشتانک دیان ءَ گوشت کہ وفاقی حکومت ءِ ادارگی اصلاحات مئے اولی ترجی آنی تہ ءَ ھوار اَنت۔ ما معیشت ءِ ڈیجیٹل کنگ، سرکاری ادارگ آنی رائٹ سائز کنگ ءُ سرکاری ادارگ آنی تہ ءَ میرٹ ءِ سر ءَ کارشناس آنی گچین کنگ ءِ ایجنڈا ءِ رندگیری ءَ کنگ ءَ ایں ۔ دیوان ءَ مزن وزیر ءَ را تکنیکی ماھکمکین ءِ پوسٹنگ آنی ھوالگ ءَ چہ پبلکگ پرائیویٹ پارٹنر شپ اتھارٹی ءِ سر ءَ بریفنگ دیگ بوتگ ایشی ءِ تہ ءَ گوشگ بوتگ کہ انوگ ءَ تاں تکنیکی 15 پوسٹ آنی سر ءَ پوسٹنگ بوتگ ، گیش 47 تکنیکی پوسٹ آنی سر ءَ پوسٹنگ کنگ بوھگ ءَ اِنت، 7 ارزشتی ایں وزارت ءُ محکمہ آنی تہ ءَ چیف ایگزیکٹو اپسرگ، چیف فنانس اپسرگ ءُ منیجنگ ڈائریکٹر آنی پوسٹنگ ءِ واستہ 30 امیت وار شارٹ لسٹ کنگ بوتگ انت۔ پٹرولیم ڈویژن ءُ نیشنل ووکیشنل اینڈ ٹیکنیکل ٹریننگ کمیشن ءِ تہ ءَ تقرری ءِ ھوالگ ءَ امیدوار آنی انٹرویو ءِ بنداتی راؤنڈ سرجم بوتگ۔ مزن وزیر ءَ را گوشت کہ وفاقی وزارت آنی نیمگ ءَ سرمایہ کاری ءِ حکمت عملی جوڑ کنگ ءِ واستہ فوکل ٹیم نامزد کنگ بوتگ، سرمایہ کاری ءِ واستہ انفارمیشن ٹیکنالوجی ءُ ٹیلی کام، ریلوے ءُ سیل ءُ سواد ءِ واستہ شعبہ جاتی ایکشن پلان تیار کنگ بوتگ، ءُ فوڈ سیکیورٹی، میری ٹائم افیئرز، معدنیات، سیل ءُ سواد ءِ صنعت ءِ تہ ءَ فائنل انرجی، ہاؤسنگ ءِ تہ ءَ فائنل انرجی ءِ واستہ سیکٹر فریم ورک آنی سر ءَ کار کنگ بوتگ۔ سعودی عرب، متحدہ عرب امارات، آذربائیجان، قطر، ءُ کویت ءِ گوما سرمایہ کاری منصوبگ آنی تخصیص ءِ واستہ 18 اقتصادی شعبہ آنی واستہ پچ بکس تیار کنگ بوتگ۔
