اسلام آباد۔25جولائی (اے پی پی): مزن وزیر محمد شہباز شریف ءَ یورپی یونین ءِ گوما پاکستان ءِ تجارتی شریکداری ءَ را المی لیک اتگ ءُ گشتگ کہ یورپی یونین پاکستان ءِ مزنیں تجارتی شریکاں چہ یکے انت۔ آئی ءَ اے ھیالانی درشانی یورپی یونین ءِ سفیر رینا کیونکا ءَ گوں گپ ءُ تران کنان ءَ کتگ اَنت آئی ءَ جمعہ ءِ روچ ءَ ادا آئی ءَ را الوداعی کال کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ یورپی یونین ءِ سفیر ءَ را پاکستان ءَ وتی مدت ءِ سوبمندیں سرجمی ءِ پد ءَ مبارک بات دات ءُ پاکستان ءُ یورپی یونین ءِ سیادی ءَ را مھکم کنگ ءَ مزنیں کرد پیلو کنگ ءِ سر ءَ آئی ءِ شگر ءُ منت گپت۔ مزن وزیر ءَ پاکستان ءَ 2022 ءَ سیلاب ءِ وھد ءَ یورپی یونین ءِ کمک ءَ را دل یکیمی کنگ ءِ واستہ آئی ءِ کوشست آناں ساڑات۔ مزن وزیر ءَ پاکستان ءِ مزنیں تجارتی شریک آنی تہ ءَ یکے ءِ بستار ءَ یورپی یونین ءِ ارزشت ءَ را پدر کنان ءَ جی ایس پی پلس اسکیم ءِ سر ءَ حکومت ءِ عزم ءِ سر ءَ زور پر دات کہ ایشی ءَ چہ دوئیں گل آنی واستہ وت مہ وتی فائدہ مند ثابت بوتگ۔ مزن وزیر ءَ یورپی کمیشن ءِ صدر ارسلا وان ڈیر لیین ءَ را ھم وتی نیکیں واھگ آنی درشان کت ءُ گوشت کہ آ زوت آئی ءَ گوں گند ءُ نند ءِ ودار ءَ آں ۔ گند ءُ نند ءَ ملک ءَ پاکستان ءُ یورپی یونین ءِ نیام ءَ سیاسی ردوم ءِ سر ءَ ھم ھاسیں گپ ءُ تران کنگ بوت۔ یورپی یونین ءِ سفیر ءَ مزن وزیر ءِ پاکستان ءَ نندگ ءِ ساھت ءَ کمک ءِ پد ءَ آئی ءِ شگر ءُ منت گپت ءُ گوشت کہ یورپی یونین پاکستان ءِ گوما وتی کمک ءَ را گیش مھکم کنگ ءِ واستہ جزمیگ انت۔ مزن وزیر ءِ نیکیں واھشت آنی سر ءَ منت واری ءِ درشان کنان ءَ آئی ءَ گوشت کہ برسلز ءَ وتی آیوکیں اسائنمنٹ ءَ پاکستان ءُ یورپی یونین ءِ نیام ءَ مھکمیں سیادی آناں دیمروئی دیگ ءَ را برجاہ دار ایت۔
