اسلام آباد۔25جولائی (اے پی پی): مزن وزیر محمد شہباز شریف ءَ پاکستان ءِ اولی اسکلز امپیکٹ بانڈ ءِ منظوری ءِ وھد ءَ گوشت کہ اے نوکیں ماڈل ءَ چہ ورنا آناں روزگار ءِ لائک جوڑ کنگ ءِ واستہ نجی سرمایہ کاری ءِ راجی کنگ بیت۔ پاکستان ءِ باصلاحیتیں ورنا پاکستان ءِ ارزشتی ایں مڈی انت۔ ورنا آناں کار ءِ لائکیں مہارت ءُ زانت ءِ پھجارینگ ءَ چہ اے ملک ءِ سرنوشت بدل بیت۔ پاکستان ءِ باصلاحیتیں ورنا پاکستان ءَ سرجمیں دگنیا ءَ نامدار کنگ ءَ انت۔ پاکستان ءُ درملک ءَ ورنا آنی واستہ روزگار ءِ موہ ءُ در جنگ ءِ کساس ءِ کچ ءُ کساس ءِ بنیاد ءَ یک جامع روڈ میپ پیش کنگ بہ بیت۔ من ھمک دو ماہ ءَ پد ایشی ءِ نفاذ ءِ پیشرفت ءِ ذاتی طور ءَ چار ءُ تپاسی کناں۔ مزن وزیر کارگس ءِ مڈ ونگ ءِ نیمگ ءَ جاڑی بوتگیں پریس ریلیز ءِ رد ءَ جمعہ ءِ روچ ءَ اسلام آباد ءَ مزن وزیر شہباز شریف ءِ سروکی ءَ ورنا آناں روزگار پجاری ءِ ھوالگ ءَ روڈ میپ ءِ سر ءَ جائزہ دیوان برجم دارگ بوتگ۔ گند ءُ نند ءَ بنجاھی وزیر احد خان چمپ، عطا اللہ تارڑ، مزن وزیر ءِ ورنا پروگرام ءِ چیئرمین رانا مشہود احمد خان، باسک راجی اسمبلی آمنہ بتول ءُ سیادی داروکیں مزن مزنیں کارندہ آں شریک کت۔ اے موہ ءِ سر ءَ مزن وزیر ءَ گوشت کہ اے نظام ءِ چیر دستی ءَ ورنا آناں ھما وھد ءِ لوٹ آنی گوما ھمگرنچیں ھنر ءُ ھنر آناں وانینگ بیت، ایشی ءِ وسیلگ ءَ پاکستان ءِ ورنا ملکی اقتصادی دیمروئی ءَ ھاسیں کرد پیلو کنگ ءِ وس ءَ دار اَنت۔ مزن وزیر ءَ ہدایت کت کہ ورنا آنی صلاحیت ءَ را گیش کنگ ءِ واستہ گیش گامگیج کنگ بہ بیت، آناں ہما زمانگ ءِ لوٹ آنی رد ءَ ہنر آنی تہ ءَ تربیت دیگ بہ بیت ءُ تربیت ءَ چہ پد روزگار ءِ پیداک کنگ بہ بیت۔ آئی ءَ گوشت کہ ورنا آناں روزگار پجاری ءِ تہ ءَ مزن وزیر ءِ ورنا پروگرام، اوورسیز پاکستانی آنی وزارت، نورٹ ءُ ھمگرنچیں توامیں ادارگ آنی نیمگ ءَ تاں انوگ ءَ کارکردگی وشیں انت۔ پاکستانی ورنا آں اے ملکانی بنجاہی زباناں زانگ ءِ موہ پجارینگ بہ بیت تانکہ آہاں دری ملکاں روزگار ءِ شوہازگ ءَ کمک بہ کنت۔ مزن وزیر ءَ گوشت کہ برجون دی ملک ءَ را روزگار ءِ شوھازگ ءِ واستہ ھنرمندیں مردم آنی تربیت ءَ را اولیت دیگ بہ بیت، ءُ ڈیٹالا یوتھ ہب ءِ سر ءَ ورنا آناں دستیابیں روزگار ءِ موہ آناں سرپد کنگ ءِ واستہ مہم بندات کنگ بہ بیت۔ آئی ءَ گوشت کہ پاکستان ءِ باصلاحیتیں ورنا پاکستان ءِ ارزشتی ایں مڈی انت۔ ورناہاں روزگار ءِ لائکیں وانگ ءُ زانگ ءُ ہنر ءِ پجارینگ ءَ چہ اے ملک ءِ سرنوشت بدل بیت۔ پاکستان ءِ باصلاحیتیں ورنا سرجمیں دگنیا ءَ پاکستان ءَ نامدار کنگ ءَ انت ۔ آئی ءَ دیوان ءَ را سرپد کت کہ بنجاھی حکومت مزن وزیر ءِ ہدایت ءِ رد ءَ ورنا آناں ہنر ءُ وانگ ءُ زانگ پجاری کنان ءَ پاکستان ءُ دری ملک آناں روزگار ءِ لائک جوڑ کنگ ءِ واستہ سرجمیں گامگیج کنگ ءَ انت۔ دیوان ءَ پروگرام ءِ چیر دستی ءَ پاکستان ءُ درملک ءَ ورنا آناں روزگار ءِ پجاری ءِ سالانہ کچ ءُ کساس ءِ بابت ءَ ھم سرپد کنگ بیت۔ پروگرام ءِ وسیلگ ءَ ورنا آناں بااختیار جوڑ کنگ ءُ وت واجہی، کاروباری ءُ براہ راست روزگار ءِ پیداک کنگ ءِ تہ ءَ کمک کنگ بوھگ ءَ اِنت۔ آئی ءَ دیوان ءَ گوشت کہ ڈیٹالا یوتھ ہب ءِ چیر دستی ءَ تاں انوگ ءَ 5لکھ ءَ چہ گیش مردماں رجسٹریشن کتگ وھدیکہ ایشی ءِ ایپ 1.7 ملین ءَ چہ گیش مردماں ڈاؤن لوڈ کتگ۔ پاکستان ءَ 500 ءَ چہ گیش کمپنی آنی رجسٹریشن ءِ ھوار 47 ہزار ءَ چہ گیش نوکری ءِ موہ است انت وھدیکہ یک لکھ ءَ چہ گیش درملکی نوکری ءُ 2 ہزار ءَ چہ گیش اسکالرشپ ءِ موہ است انت۔ اے پورٹل ءَ گوں پاکستانی سفارتخانہ، سرکاری ادارگ، نجی کمپنی ءُ دگہ این جی اوزاں ھوار اقوام متحدہ ءَ ھوار 500 ءَ چہ گیش ادارگ گوں اے پورٹل ءَ ھمگرنچ اَنت۔ گند ءُ نند ءِ ساھت ءَ مزن وزیر ءَ پاکستان ءِ اولی اسکلز امپیکٹ بانڈ ءِ ھم منظوری دات۔ اے نظام ءِ چیر دستی ءَ ورنا آناں انچیں ہنر ءُ زانت ءِ وانینگ بیت کہ آ وھد ءِ لوٹ ءُ گزر آنی گوما ھمگرنچ بہ بنت، ایشی ءَ چہ پاکستان ءِ ورنا ملک ءِ اقتصادی دیمروئی ءُ توانمندی ءِ تہ ءَ ھاسیں کرد پیلو کن اَنت۔ دیوان ءَ گیش سرپدی دیگ بوت کہ اے ماڈل ءَ را “ہے چار سیکسز” گشگ بیت کہ ایشی ءِ چیر دستی ءَ سرکاری یا ڈونر فنڈز ھما وھد ءَ یلہ کنگ بنت کہ آزاتیں رنگ ءَ تصدیق کتگیں آسر چوش کہ روزگار یا آمدنی ءِ یک خاصیں حد ءِ رسگ ءَ بہ بیت۔ مزن وزیر ءَ دمگی ءُ میاں اوستمانی تک ءَ ورنا آناں روزگار پجاری ءِ واستہ کچ ءُ کساس ءُ سرجمیں روڈ میپ ءِ پجارینگ ءِ ہدایت کت۔
