بنجاھی  وزیر شزہ  فاطمہ خواجہ ءَ ایریزونا اسٹیٹ یونیورسٹی ءُ نیشنل انسٹی ٹیوٹ آف ٹیکنالوجی ءِ ڈل ءَ گوں گند ءُ نند کتگ

اسلام آباد۔25جولائی  (اے پی پی): ایریزونا اسٹیٹ یونیورسٹی ءُ نیشنل انسٹی ٹیوٹ آف ٹیکنالوجی ءِ کارندہ آں چہ ھواریں ڈل ءَ بنجاھی  وزیر شزہ  فاطمہ خواجہ ءَ گوں گند ءُ نند کتگ۔ ڈل ءَ آرٹیفیشل انٹیلی جنس ءُ جدید ٹیکنالوجی ءِ تہ ءَ دو نیمگی کمک ءِ ھوالگ ءَ ایریزونا یونیورسٹی ءِ کمک ءَ پاکستان ءَ اے آئی ریسرچ سنٹر جوڑ کنگ ءِ ھوالگ ءَ سرپد کت۔ بنجاھی  وزیر شزہ  فاطمہ خواجہ ءَ نیشنل انسٹی ٹیوٹ آف ٹیکنالوجی لاہور ءُ ایریزونا اسٹیٹ یونیورسٹی ءِ نیام ءَ کمک ءِ ساڑات۔ آئی ءَ گوشت کہ اے رنگیں کمک پاکستان ءَ ٹیکنالوجی ءَ گوں سیادی داروکیں وانگ ءُ زانگ ءُ پٹ ءُ پول ءِ دیمروئی ءِ واستہ ھاسیں سنگ میل انت۔ شزہ  فاطمہ ءَ گوشت کہ مارا وشی اِنت کہ پاکستانی نودربراں جھان ءِ تک ءِ اے آئی ءِ پٹ ءُ پول ءُ ڈیجیٹل مہارت آنی تہ ءَ رسائی رسگ ءَ اِنت۔ آئی ءَ گیش گوشت کہ آئی ٹی ءِ وزارت اے آئی ہبز، نیشنل اے آئی پالیسی ءُ میاں اوستمانی شریکداری ءِ وسیلگ ءَ پاکستان ءَ اے آئی ءِ یک مھکمیں ایکو سسٹم ءِ جوڑ کنگ ءَ اِنت۔ پاکستان ءِ مزن وزیر شہباز شریف   "ڈیجیٹل نیشن پاکستان”  ءِ وژن ءِ چیر دستی ءَ راستیں راہ ءَ روگ ءَ اِنت، اودا میاں اوستمانی کمک ءَ را راجی دیمروئی ءِ گولائی  جوڑ کنگ بوھگ ءَ اِنت۔