بنجاھی  وزیر ڈاکٹر مصدق ملک ءَ آذربائیجان ءَ ڈل ءِ سروک آنی دیوان ءَ پاکستان ءِ نمائندگی کتگ ءُ گلوبل نارتھ ءُ ساؤتھ ءِ نیام ءَ موسمیاتی انصاف، مساوات ءُ مھکمیں کمک ءِ زوتیں ضلورت ءِ سر ءَ زور پر داتگ

شاماخی۔25جولائی  (اے پی پی): آذربائیجان ءِ شہر  شاماخی ءَ برجم داشتگیں ڈل ءِ سروک آنی دیوان ءَ موسمیاتی بدلی ءُ چاگردی یکوئی ءِ بنجاھی  وزیر ڈاکٹر مصدق ملک ءَ پاکستان ءِ نیمگ ءَ چہ پاکستان ءِ نیمگ ءَ دلگوشی دات۔ اے دیوان ھاسیں چاگردی جیڈھ آنی سر ءَ جھان ءِ سروکی ءَ را یکجا کنگ ءِ ھاترا برجم دارگ بوتگ۔ وزارت موسمیاتی بدلی ءِ نیمگ ءَ چہ جاڑی بوتگیں پریس ریلیز ءِ رد ءَ دیوان ءَ گوں وتی گشتانک ءَ ڈاکٹر مصدق ملک ءَ موسمیاتی انصاف، مساوات ءُ گلوبل شمال ءُ جنوب ءِ نیام ءَ مھکمیں کمک ءِ زوتیں ضلورت ءِ سر ءَ زور پر دات۔ پاکستان ءِ چاگردی آسراتی ءِ سر ءَ چمشانک دیان ءَ آئی ءَ موسمیاتی مالیاتی کمک، موافقت ءِ کمک ءُ دیمروئی کنوکیں ملک آناں نوکیں ٹیکنالوجی ءِ دیم دیگ ءِ المی  ءِ رنگ ءَ لوٹ کت۔ آئی ءَ دیمروئی کتگیں ملک آناں لوٹ کت کہ آ پیرس معاہدے ءِ رد ءَ وتی زمہ واری آنی سر ءَ عمل بہ کن اَنت ءُ موسمیاتی مالیات ءَ را شفاف، شمولیت ءُ ہر ملک ءِ واستہ آسانی ءَ گوں دسترس ءِ وسیلگ جوڑ بہ کن اَنت۔ آئی ءَ یک رندے پدا گوشت کہ پاکستان یک پائیدار ءُ چاگردی رد ءَ برجمیں آیوکیں وھد ءِ جوڑیشت ءِ واستہ جزمیگ اِنت ءُ جھان ءِ چاگردی پالیشی ءِ جوڑ کنگ ءِ تہ ءَ سرگرمیں کرد ءَ را برجاہ دار ایت۔