بنجاھی  وزیر اطلاعات عطا اللہ تارڑ ءُ مزن وزیر ءِ میڈیا کوآرڈینیٹر بدر شہباز وڑائچ  ءَ پیپلز پارٹی ءِ مزنیں رہشون قمر زمان کیرہ ءِ گس ءَ گند ءُ نند کتگ ءُ مزن وزیر ءِ نیکیں واھگاں سر کتگ ءُ آئی ءِ جان سلامتی ءِ بابت ءَ جست ءُ پرس کتگ

اسلام آباد۔25جولائی  (اے پی پی): بنجاھی  وزیر اھوالکاری ءُ شنگکاری عطا اللہ تارڑ ءُ مزن وزیر ءِ میڈیا کوآرڈینیٹر بدر شہباز وڑائیچ ءَ جمعہ ءِ روچ ءَ پیپلز پارٹی ءِ مزنیں رہشون قمر زمان کیرہ ءِ گس ءَ گند ءُ نند کتگ۔ اے موہ ءِ سر ءَ بنجاھی  وزیر ءِ اھوالکاری ءَ قمر زمان کیرہ ءِ واستہ مزن وزیر ءِ نیکیں واھگ آناں سر کت ءُ آئی ءِ جان سلامتی ءِ بابت ءَ جست ءُ پرس کت۔ دوئیں رہشوناں قمر زمان قیرہ ءِ سرجمیں جان سلامتی ءِ دعا کتگ۔ اے موہ ءِ سر ءَ بنجاھی  وزیر ءِ اھوالکاری عطا اللہ تارڑ ءَ گوشت کہ قمر زمان قیرہ ملک ءِ ساپ دلیں  سیاستدان ءُ جمہوری اقدار آنی چیمپئن انت۔ آئی ءِ شرپ ءُ ازت  منی نیمگ ءَ اِنت۔ مئے ھاندانانی نیام ءَ دیریں سیادی بوتگ۔ قمر زمان کائیرہ ءِ سرجمیں جان سلامتی ءِ دعا کنگ ءَ آں ۔ بدر شہباز ورائیچ ءَ اے موہ ءِ سر ءَ گوشت کہ پاکستان ءِ سیاست ءَ قمر زمان کیرہ ءَ مدام جوانیں کرد پیلو کتگ، سرجمیں راج آئی ءِ جان سلامتی ءِ واستہ دعا کنگ ءَ انت۔ زانگ بہ بیت کہ قمر زمان کائیرہ دل ءِ آپریشن ءَ پد چہ نادراھجاہ ءَ انوگیں وھد ءَ لوگ ءَ شنگ کنگ بوتگ۔