صدر آصف علی زرداری ءَ سعودی سفیر نواف بن سعید  المالکی  ءَ گوں گند ءُ نند کتگ، دو نیمگی سیادی، بیپار، معیشت ءُ دود ءُ ربیدگ ءِ دیمروئی ءِ بابت ءَ گپ ءُ تران

اسلام آباد۔25جولائی  (اے پی پی): صدر آصف علی زرداری ءَ صدر ءِ ایوان ءَ سعودی سفیر نواف بن سعید  المالکی ءَ گوں گند ءُ نند کتگ ءُ دو نیمگی سیادی، تجارت، معیشت ءُ دود ءُ ربیدگ ءِ دیمروئی ءِ بابت ءَ گپ ءُ تران کتگ۔ جمعہ ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ بنجاھی  تہی کارانی وزیر محسن نقوی ءَ ھم گند ءُ نند ءَ بھر زرتگ۔ گند ءُ نند ءَ وت مہ وتی سیادی آنی دیمروئی، تجارت، معیشت ءُ دود ءُ ربیدگ ءِ سر ءَ ھیال ریچی کنگ بوت۔ صدر آصف علی زرداری ءَ گوشت کہ پاکستان ءُ سعودی عرب ءِ سیادی یکجائی ایمان ءُ وت مہ وتی یکوئی ءِ بنیات ءَ انت۔ صدر ئِ مملکت ئَ گوشت کہ دو نیمگی کمکی ئِ گیش وسعت دوئیں ملک آنی واستہ سیت مند اِنت۔ آئی ءَ گوشت کہ سعودی سرمایہ کار پاکستان ءَ سرمایہ کار دوستیں چاگرد ءَ چہ پائدگ چست بہ کن انت۔ صدر ءِ مملکت ءَ گوشت کہ پاکستان ءُ سعودی عرب ءِ جہانی معاملہ آنی بابت ءَ یک وڑیں لیکہ انت۔ آصف علی زرداری ءَ گوشت کہ گرانیں وھد ءَ سعودی عرب ءِ کمک ءِ شگر ءُ منت وار آں ۔ صدر ءِ مملکت ءَ خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان  ءَ را ھم وتی نیکیں واھگ آنی درشان کت۔