صدر آصف علی زرداری مستونگ ءَ  سئے  ناشرکارانی کوش ءِ پد ءَ سیکورٹی فورسز ءَ را  توسیپ ءُ ستا  پیش کتگ

اسلام آباد۔24جولائی  (اے پی پی): صدر آصف علی زرداری ءَ مستونگ ءَ فتنہ الہندوستان   ءِ حلاف ءَ انٹیلی جنس ءِ بنیات ءَ آپریشن ءِ تہا  سئے  ناشرکار  آنی   کوش ءِ پد ءَ سیکورٹی فورسز ءَ را توسیپ ءُ ستا پیش  کتگ۔ پنچ شمبے ءِ روچ ءَ صدر ءِ ایوان ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر آصف علی زرداری ءَ آپریشن ءِ تہ ءَ شہید  بوتگیں میجر زیاد سلیم اول شہید  ءُ  سپاہی ناظم حسین شہید  ءَ را توسیپ ءُ  ستا  ءُ آھانی قربانی ءَ را سلام پیش کتگ۔ صدر ءِ مملکت ءَ گوشت کہ میجر زیاد سلام اول ءُ سپائی ناظم حسین  ءَ ماتیں وطن ءِ دفاع ءَ وتی جان ندر کنان ءَ بہادری ءِ درور نکش  کتگ۔ صدر ءِ مملکت ءَ شہید آنی گس آنی گوما دل ءِ دلپدردی ءِ درشان کت ءُ شہید آنی آکبت ءَ را برز ءُ بلند کنگ ءِ واستہ دعا ءِ نیک کتگ۔  آئی ءَ گوشت کہ سیکورٹی فورس آنی قربانی بے سوب نہ رو اَنت۔ صدر ءِ مملکت ءَ گوشت کہ راج ءَ را وتی شہید آنی قربانی آناں دائم ءَ یات بنت۔  صدر آصف علی زرداری ءَ گوشت کہ ھندوستان ءِ  سروکی  ءَ ناشرکاری ءِ ھلاسی ءَ تاں آپریشن برجاہ بیت۔ صدر ءِ مملکت ءَ گوشت کہ ناشرکاری ءِ ھلاسی ءِ واستہ راج وتی  اُرد ءِ  گوما ھمگام ءَ اوشتاتگ۔