اسلام آباد۔24جولائی (اے پی پی): بجلی ءِ وفاقی وزیر سردار اویس احمد خان لغاری ءَ گوشت کہ حکومت ءَ این پی آر ایم اے ءِ نیمگ ءَ داتگیں گوستگیں پیسلہ ءِ سر ءَ وھد ءِ سر ءَ چار ءُ تپاسی ءِ درخواست جم کتگ تانکہ صارف آناں بے وسی ءِ مالی بوجھ ءَ چہ رکّینگ بہ بیت۔ پنچ شمبے ءِ روچ ءَ ایوان بالا ءِ دیوان ءَ وتی ھیالانی درشان کنان ءَ آئی ءَ گوشت کہ این پی آر ایم اے ءِ پیسلہ ءَ پد حکومت ءَ را چار ءُ تپاسی ءِ جم کنگ ءِ واستہ ایوک ءَ دہ روچ ءِ وھد ھست، ما اولی رند ءَ سرجمیں تکنیکی بنیاد ءَ ٹیرف ءِ تفصیل آنی سر ءَ چار ءُ تپاسی کتگ ءُ بازیں اعتراض آنی گوما چار ءُ تپاسی ءِ فائل جم کتگ۔ آئی ءَ گوشت کہ لائن ءِ تاوان ءِ گیشیں منظوری (13.9درسد) وھدے کہ زمینی حقیقت آنی رد ءَ اے 8-9درسد بہ بیت، صارفین ءِ سر ءَ ریکوری تاوان ءِ بوجھ ایر کنگ کہ ناانصافی اِنت، کار کنوکیں سرمایہ ءِ کمیں ھرچ ءُ درچ، ایکویٹی (منافع) ءِ حساب ءُ کتاب ءِ سر ءَ ھم جُست چست کنگ بوتگ۔ آئی ءَ اے گپ ءِ پدرائی کت کہ اگاں اے فصل ءِ چیلنج نہ بوتگ ات گڈا آیوکیں ھپت سال آنی تہ ءَ کراچی الیکٹرک ءَ را 650ارب ءَ چہ گیش زرّ دیگ بوتگ ات کہ ایشی ءِ بار سرجمیں ملک ءِ صارف آنی سر ءَ بوتگ۔ سردار اویس لغاری ءَ گوشت کہ اولی رند ءَ حکومت ءَ ٹیرف ءِ ھوالگ ءَ السی مفاد ءِ واستہ انچیں مھکمیں موقف زرتگ ایشی ءِ مول ءُ مراد صارف ءُ راجی خزانہ ءَ را بے وسی ءِ بار ءَ چہ رکھینگ اِنت۔ آئی ءَ گیش گوشت کہ مالی سال 2024-25 ءَ حکومت ءَ 191ارب کلدار ءِ تاوان کم کتگ ءُ 100ارب کلدار اوور بلنگ ءِ رنگ ءَ صارف آناں پدا داتگ۔ گوستگیں مالی سال ءَ کراچی الیکٹرک ءَ را داتگیں ٹیرف سبسڈی 155ارب کلدار بوتگ۔ وفاقی وزیر ءَ اے گپ ھم پدر کتگ کہ آڈیٹر جنرل ءِ رپورٹ انگت ءَ شنگ نہ بوتگ پمیشکا رپورٹ ءِ واستہ ھرچ وڑیں گڈی تبصرہ ءِ ودار کنگ بہ بیت۔ آئی ءَ ایوان ءَ را دلجمی دات کہ رپورٹ ءِ آیگ ءَ گوں آ تفصیل ءَ پسو دیگ ءِ واستہ ھوار بیت۔ سردار اویس لیگاری ءَ گوشت کہ اولی رند ءَ شہباز شریف حکومت ءَ کراچی الیکٹرک ءِ ایم وائی ٹی ءِ حلاف ءَ موثر کانودی کاروائی کتگ تانکہ ٹیکس ءِ سیت ءَ چہ ٹیکس دہندہ آں بہ رسیت۔ ارباں کلدار ءِ بچت کنگ بیت کنت، ءُ اے گامگیج ءَ چہ آیوکیں بجلی ءِ بہر ءُ بانگ ءُ قیمتانی نظام ءَ شفافیت ءُ احتساب گیش بیت۔
