پاکستانی جہاز رانی ءِ شوبگ مزنیں بدلی ءِ واستہ تیار اِنت، وفاقی وزیر ءِ میری ٹائم امور ءَ نیشنل شپنگ کارپوریشن ءُ چین ءِ شیڈونگ ژین گروپ  ءِ نیام ءَ یک مفاہمت نامہ ءِ سر ءَ دستخط کنگ ءَ گوں تران کنان ءَ گشتانک

اسلام آباد۔24جولائی  (اے پی پی): نیشنل شپنگ کارپوریشن ءُ چین ءِ شانڈونگ سین گروپ ءِ نیام ءَ یک مفاہمت نامہ ءِ سر ءَ دستخط کنگ ءَ پد پاکستان ءِ جہاز رانی ءِ شوبگ مزنیں بدلی ءِ واستہ تیار اِنت۔ وفاقی وزیر ءَ اے ھیالانی درشانی پی این ایس سی ءِ سی ای او ءُ شیڈونگ ژین گروپ  کارپوریشن ءِ چیئرمین ءِ نیام ءَ مفاہمت نامہ ءِ سر ءَ دستخط کنگ ءِ مراگش ءَ گوں تران کنان ءَ کت۔ آئی ءَ گیش گوشت کہ اے مفاہمت نامہ ءِ سر ءَ دستخط پاکستان ءُ چین ءِ نیام ءَ میری ٹائم ڈومین ءِ تہ ءَ گیش بوھوکیں شریکداری ءِ علامت اِنت ایشی ءَ چہ پاکستان ءِ جہاز رانی ءِ صنعت ءَ آیوکیں وھد ءَ کمک، سرمایہ کاری ءُ دیمروئی ءِ راہ پچ بیت۔ آئی ءَ اے گپ ءِ سر ءَ زور پر دات کہ اے کمک ءَ چہ دمگی تجارت ءَ را دیمروئی رسیت، رابطہ کاری ءَ را گیش کنگ ءُ وت مہ وتی کمک ءُ یکجائی اقتصادی مول ءُ مراد آنی وسیلگ ءَ جھان ءِ میری ٹائم انڈسٹری ءِ تہ ءَ پاکستان ءِ کرد ءَ را مھکم کنگ بیت۔ وفاقی وزیر ءَ گوشت کہ اے مفاہمت نامہ ءَ چہ دوئیں ادارگ آنی نیام ءَ وت مہ وتی بھروسہ ءُ کمک ءِ یک فریم ورک ءِ جوڑ کنگ بیت ایشی ءِ مول ءُ مراد تجارتی آسراتی ءِ ھاترا ءُ پاکستان ءِ میری ٹائم سیکٹر ءَ سرمایہ کاری ءِ واستہ جوانیں جاور ھال جوڑ کنگ اِنت۔