مزن وزیر محمد شہباز شریف ءَ سنٹانا ایجوکیشن ءِ جوڑیشتکار ءُ چیئرمین ڈوگ بیکر ءِ سروکی ءَ ایریزونا اسٹیٹ یونیورسٹی ءِ ڈل ءِ گوما گند ءُ نند ءَ گوشت کہ وانگ ءُ زانگ ءِ نظام ءِ نوک کنگ ءُ ورنا آناں کزبی ھیل کاری  آنی گوما لیس کنگ حکومت ءِ اولی ترجی آنی تہ ءَ ھوار انت

اسلام آباد۔24جولائی  (اے پی پی): مزن وزیر محمد شہباز شریف ءَ پاکستان ءَ وانگ ءُ زانگ ءَ را جھان ءِ سٹینڈرڈ ءِ رد ءَ آرگ ءِ واستہ نوکیں ٹیکنالوجی ءِ کارمردی ءَ را ناگزیر لیک اِتگ ءُ گوشت کہ وانگ ءُ زانگ ءِ نظام ءِ نوک کنگ ءُ ورنا آناں پیشہ وارانہ ھنر ءَ چہ لیس کنگ حکومت ءِ اولی ترجی آنی تہ ءَ ھوار اَنت۔ آئی ءَ اے ھیالانی درشانی ایریزونا اسٹیٹ یونیورسٹی ءِ ڈل ءَ گوں گپ ءُ تران کنان ءَ کت کہ آئی ءِ سروکی ءَ سینٹانا ایجوکیشن ءِ جوڑیشتکار ءُ چیئرمین ڈوگ بیکر ءَ کتگ ات ءُ آئی ءَ پنچ شمبے ءِ روچ ءَ ادا آئی ءَ گوں گند ءُ نند کتگ ات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستان ءَ وانگ ءُ زانگ ءَ را جھان ءِ کچ ءُ کساس ءِ رد ءَ آرگ ءِ واستہ نوکیں ٹیکنالوجی ءِ کارمردی المی اِنت۔ آئی ءَ گوشت کہ وانگ ءُ زانگ ءِ نظام ءَ نوآبادیاتی آرگ ءُ ملکی ورنا آناں پیشہ وارانہ ہنر ءَ چہ لیس کنگ حکومت ءِ اولی ترجی آنی تہ ءَ ھوار انت، وانگ ءُ زانگ ءِ شوبگ ءَ سرجمیں حکومتی پالیشی پیشہ وارانہ ہنر ءِ بنیات ءَ ورنا آناں روزگار ءِ موہ پجاری ءِ سر ءَ دلگوش انت۔ مزن وزیر ءَ ایریزونا اسٹیٹ یونیورسٹی ءِ کمک ءَ نیشنل انسٹی ٹیوٹ آف ٹیکنالوجی ءِ جوڑیشت ءَ را سک باز ھاسیں سنگ میل لیکگ ءِ وھد ءَ گوشت کہ ایریزونا اسٹیٹ یونیورسٹی ءِ کمک ءَ جوڑ بوتگیں نیشنل انسٹی ٹیوٹ آف ٹیکنالوجی ءَ چہ پاکستانی ورنا آناں جھان ءِ تک ءَ مقابلہ ءِ بنیات ءَ کار کنگ ءِ تربیت دیگ بیت۔ آئی ءَ گوشت کہ گوستگیں یک سال ءِ تہ ءَ حکومت ءَ نیشنل ووکیشنل اینڈ ٹیکنیکل ٹریننگ کمیشن ءَ بازیں اصلاحات کتگ ءُ ایشی ءَ را گیش کارآمد ءُ کارآمد جوڑ کنگ بوتگ۔ آئی ءَ این وی ٹی ای سی ءَ را پنت ءُ شون کت کہ آ ایریزونا اسٹیٹ یونیورسٹی ءِ گوما کمک بہ کنت تانکہ پیشہ وارانہ تربیت ءِ پڑ ءَ جدت آرگ بہ بیت۔ گند ءُ نند ءَ ایریزونا اسٹیٹ یونیورسٹی ءِ کمک ءَ پاکستان ءَ جوڑ بوتگیں نیشنل انسٹی ٹیوٹ آف ٹیکنالوجی ءِ آپریشنل کنگ ءِ بابت ءَ ھیال ریچی کنگ بوت۔ اے موہ ءِ سر ءَ سانتانا ایجوکیشن ءِ جوڑیشتکار ڈگ بیکر ءَ گوشت کہ ایریزونا اسٹیٹ یونیورسٹی پاکستان ءَ وانگ ءُ زانگ ءِ شوبگ ءَ نوکیں چیز آرگ ءِ واستہ وسیلگ ءُ آسراتی پجاری کنت۔ گند ءُ نند ءِ گڈ ءَ مزن وزیر ءَ نیشنل انسٹی ٹیوٹ آف ٹیکنالوجی ءِ واستہ یک یاتگیری بن ھشت ءِ دیمدرائی    کت ایش ھمے سال  ءَ چہ کار ءَ بندات کنت۔  گند ءُ نند ءَ وفاقی وزیر اقتصادی امور احد خان چیمہ، وفاقی وزیر وانگ ءُ زانگ خالد مقبول صدیقی، آئی ٹی ءِ وفاقی وزیر شزہ  فاطمہ خواجہ ءُ سیادی داروکیں ادارگ آنی مزنیں کارندہ ھم ھوار اتنت۔