اسلام آباد۔24جولائی (اے پی پی): مزن وزیر محمد شہباز شریف ءَ وزیر پلاننگ احسن اقبال ءِ سروکی ءَ یک کمیٹی یے جوڑ کتگ کہ آ سول سروسز ءَ را انوگیں لوٹ آنی گوما ھمگرنچ کنگ، سول سروسز ءِ ڈھانچہ ءَ را گہتر کنگ ءُ نوکیں لیکہ آنی سر ءَ دیمروئی دیگ ءِ ھوالگ ءَ سفارشات بہ کنت ءُ کمیٹی ءَ را سفارشات ءِ سر ءَ کمیٹی ءَ را پنت ءُ …
مزن وزیر ءَ سول سروسز ءِ نوک کنگ ءِ واستہ احسن اقبال ءِ چیردستی ءَ کمیٹی جوڑ کتگ، یک ماہے ءِ تہ ءَ سفارش جم کنگ ءِ پنت ءُ شون کتگ
گیشتریں ھال
اسلام آباد۔24جولائی (اے پی پی): مزن وزیر محمد شہباز شریف ءَ وزیر پلاننگ احسن اقبال ءِ سروکی ءَ یک کمیٹی یے جوڑ کتگ کہ آ سول سروسز ءَ را انوگیں لوٹ آنی گوما ھمگرنچ کنگ، سول سروسز ءِ ڈھانچہ ءَ را گہتر کنگ ءُ نوکیں لیکہ آنی سر ءَ دیمروئی دیگ ءِ ھوالگ ءَ سفارشات بہ کنت ءُ کمیٹی ءَ را سفارشات ءِ سر ءَ کمیٹی ءَ را پنت ءُ شون کتگ۔ یک ماہ ءِ تہا تفصیلی مشاورت کنگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پنچ شمبے ءِ روچ ءَ مزن وزیر محمد شہباز شریف ءِ سروکی ءَ سول سروسز اصلاحات ءِ ھوالگ ءَ جائزہ دیوان برجم دارگ بوت۔ گند ءُ نند ءَ وفاقی وزیر احسن اقبال، اعظم نذیر تارڑ، احد خان چیمہ، سردار اویس خان لغاری، علی پرویز ملک، مزن وزیر ءِ مشیر رانا ثناء اللہ، وزیرمملکت بلال اظہر کیانی، ھاسیں کمکار ہارون اختر، طارق باجوہ، ڈاکٹر جہانزیب خان سیکرٹری ایپکس کمیٹی ایس آئی ایف سی ءَ بہر زرتگ۔ مزن وزیر ءَ سول سروسز اصلاحات ءِ ھوالگ ءَ جوڑ بوتگیں کمیٹی ءَ را پنت ءُ شون کت کہ آ میرٹ ءِ رد ءَ جوانیں ٹیلنٹ ءِ بھرتی ءِ ھوالگ ءَ سفارشات جوڑ بہ کنت، دیمروئی ءِ واستہ ھاسیں مول ءُ مراد ءِ بنیاد ءَ کے پی آئیز، اے سی آر سسٹم ءِ گہتری ءُ موثر متبادل جوڑ کنگ بہ بیت۔ آئی ءَ سفارشات ءِ بھر ءِ رنگ ءَ نوکیں ٹیکنالوجی ءُ نوکیں نظام ءَ را ھیال ءَ دارگ ءَ افسر آنی کارکردگی ءَ را گیش کنگ ءِ واستہ ایکشن پلان جوڑ کنگ ءِ ھم پرمان داتگ۔ آئی ءَ پنت ءُ شون کت کہ اے وڑیں سفارشات جوڑ کنگ بہ بنت کہ گورننس ءِ گہتری ءُ سول سروسز ءَ را ہما وہد ءِ لوٹ آنی گوما مدام یکجا کنگ ءِ واستہ مھکمیں نظام ءُ دائمی نظام ءِ بنیات جوڑ بہ بنت۔ مزن وزیر ءَ گوشت کہ سول سروسز ءَ عام مردم ءِ زندمان ءَ را آسان ءُ کمکی جوڑ کنگ ءِ واستہ اصلاحات حکومت ءِ اولی ترجی آنی تہ ءَ ھوار اَنت۔ سول سروسز اصلاحات ءِ ھوالگ ءَ دیوان ءَ را بریفنگ کنان ءَ گوشگ بوت کہ سول سروسز ءَ بھرتی، تربیت، کارکردگی ءِ ارزشت، پگار ءِ گہتری ءُ ترقی ءِ ھوالگ ءَ شور ءُ سلاھ ءَ پد تجویز جوڑ کنگ بوھگ ءَ انت۔ گند ءُ نند ءِ ساھت ءَ پاکستان ءِ گوما خطہ ءِ ایندگر ملک آنی تہ ءَ سول سروسز ءِ اصلاحات ءِ تقابلی چار ءُ تپاسی ھم پیش کنگ بوت۔ دیوان ءَ را سرپد کنگ بوت کہ گورننس ءِ گہتری، عام شہری ءِ زندمان ءَ را گہتر کنگ ءِ ھوار سول سروسز اصلاحات ءِ محور ءِ رنگ ءَ میرٹ ءِ سر ءَ جوانیں ٹیلنٹ ءِ بھرتی ءَ را دارگ ءَ سفارش آناں گڈی رنگ دیگ بیت۔ مزن وزیر ءَ جوڑ بوتگیں کمیٹی ءَ را پنت ءُ شون کت کہ توامیں اسٹیک ہولڈر آں گوں شور ءُ سلاہ ءَ پد یک ماہ ءِ اندر ءَ ٹوھیں سفارش آناں گڈی رنگ ءَ جوڑ بہ کنت۔
