اسلام آباد۔24جولائی (اے پی پی): پاکستان ءَ چین ءِ سفیر جیانگ زیڈونگ ءَ پنچ شمبے ءِ روچ ءَ ایوان ءِ صدر ءَ صدر آصف علی زرداری ءَ گوں گند ءُ نند کتگ ءُ دو نیمگی سیادی، وت مہ وتی نپ ءِ جیڈھ ءُ دمگی کمک ءِ بابت ءَ گپ ءُ تران کتگ۔ پنچ شمبے ءِ روچ ءَ صدر ءِ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ دو نیمگی سیادی، وت مہ وتی سیت ءِ جیڈھ ءُ دمگی کمک ءِ سر ءَ ھیال ریچی کنگ بوت۔ گند ءُ نند ءِ تہ ءَ وت مہ وتی سیادی ءِ جیڈھ ءُ دمگی کمک ءِ سر ءَ ھیال ریچی کنگ بوت۔ صدر ءِ مملکت ءَ گوشت کہ پاکستان چین ءِ گوما وتی سیادی ءَ را سک باز ارزشت دنت ۔ صدر ءِ مملکت ءَ گوشت کہ دوئیں ملک آنی نیام ءَ تجارت، معیشت، دود ءُ ربیدگ ءُ دمگی سیادی آناں دیمروئی دیگ ءِ واستہ سک باز موہ است انت۔ صدر آصف علی زرداری ءَ گوشت کہ دمگ ءَ امن ایمنی ءُ وشھالی ءِ واستہ یکجائی ءَ کار کنگ ءِ ضلورت انت۔ صدر آصف زرداری ءَ گوشت کہ چین ءَ ھمک گرانیں وھد ءَ پاکستان ءِ سرجمیں کمک کتگ۔ صدر ءِ مملکت ءَ گوشت کہ پاکستانی اُلس وتی آہنی برات چین ءِ مُدام کمک ءِ شگر ءُ منت وار اِنت۔ صدر ءِ مملکت ءَ گوشت کہ پاکستان ءِ چاگردی ءُ اقتصادی دیمروئی ءِ تہ ءَ چین ھاسیں کرد ءَ پیلو کنگ ءَ انت۔ اے موہ ءِ سر ءَ چینی سفیر ءَ صدر شی جن پنگ ءِ نیمگ ءَ چہ صدر ءِ آیوکیں سالروچ ءِ درگت ءَ نیکیں واھگ آنی ھاسیں کلوہ سر کت۔
