اسلام آباد۔ 24جولائی (اے پی پی) بنجاھی وزیر ءِ اھوالکاری ءُ شنگکاری عطا اللہ تارڑ ءَ گوشت کہ 9 مئی ءِ وئیل آنی تہ ءَ ھواریں ملزم آنی حلاف ءَ ثبوت است انت، سی سی ٹی وی فوٹیج دست کپتگ ات، زانگ بوتگ ات کہ اے وئیل آنی تہ ءَ کئے ھوار بوتگ، تحریک انصاف ءِ بانی چیئرمین وتی 2019 ءَ ھچ وڑیں ثبوت ءِ حق ءَ ثابت نہ کت کنت۔ آئی ئَ اے گپ پنچ شمبے ئِ روچ ئَ میڈیا ئَ گوں تران کنان ئَ گوشت اَنت۔ بنجاھی وزیر اھوالکاری ءَ گشتگ کہ تحریک انصاف ءِ مردم گش انت کہ ما مدینہ ءِ ریاست ءِ بابت ءَ گپ کنگ ءَ اتیں پمیشکا مارا 190 ملین پونڈ ءِ سزا دیگ بوتگ۔ آئی ءَ گْوشتگ کہ 190 ملین پونڈ ءِ کرپشن ءِ پسو نہ مذھبی اِنت ءُ نہ مدینہ ءِ ریاست، شما راج ءَ بہ گْوش اِت کہ شما کاروباری ٹائیکون ءِ ارباں کلدار چوں کارمرز کُتگ اَنت؟ یک جستے ءِ پسو ءَ آئی ءَ گشتگ تحریک انصاف ءِ بنجاہی چیئرمین ءِ چکاں کمپین کنگ ءِ حق است انت، آ کجا روگ ءَ انت؟ آ اود ءِ مردماں بہ گْوش اَنت کہ مئے پت ءَ 190 ملین ءِ کرپشن ءِ سزا داتگ، آ 190 ملین ءِ کرپشن ءِ فیکٹ شیٹاں گوں وت بہ بر اَنت ءُ ھرکس ءَ گوں دچار کپ اَنت آ بہ گْوش اَنت کہ اے کرپشن کئے اِنت۔ آئی ءَ گْوشتگ کہ اے تاثر دیگ ءِ کوشست کنگ بوھگ ءَ اِنت کہ 190 ملین پونڈ کسے ءِ کار اِنت۔
