نیویارک۔23جولائی (اے پی پی): نائب مزن وزیر ءُ درئی کارانی وزیر سینیٹر اسحاق ڈار ءَ سعودی عرب ءِ معیشت ءُ منصوبہ بندی ءِ وزیر فیصل فاضل ابراہیم ءَ گوں گند ءُ نند کت۔ دوئیں رہشون آنی تہ ءَ فوڈ سیکیورٹی، مینوفیکچرنگ ءُ کان کنی ءِ وڑیں کلیدی شوبگ آنی تہ ءَ کمک ءَ را گیش کنگ ءُ سرمایہ کاری ءُ تکنیکی کمک ءَ را دیم ءَ برگ ءِ سر ءَ …
نائب مزن وزیر سینیٹر اسحاق ڈار ءَ سعودی عرب ءِ معیشت ءُ منصوبہ بندی ءِ وزیر فیصل فاضل ابراہیم ءَ گوں گند ءُ نند
گیشتریں ھال
نیویارک۔23جولائی (اے پی پی): نائب مزن وزیر ءُ درئی کارانی وزیر سینیٹر اسحاق ڈار ءَ سعودی عرب ءِ معیشت ءُ منصوبہ بندی ءِ وزیر فیصل فاضل ابراہیم ءَ گوں گند ءُ نند کت۔ دوئیں رہشون آنی تہ ءَ فوڈ سیکیورٹی، مینوفیکچرنگ ءُ کان کنی ءِ وڑیں کلیدی شوبگ آنی تہ ءَ کمک ءَ را گیش کنگ ءُ سرمایہ کاری ءُ تکنیکی کمک ءَ را دیم ءَ برگ ءِ سر ءَ تپاک کنگ بوتگ۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ پاکستان ءِ نائب مزن وزیر سینیٹر اسحاق ڈار ءَ اقوام متحدہ ءِ سلامتی کونسل ءِ سروکی ءِ ساھت ءَ سعودی عرب ءِ معیشت ءُ منصوبگ بندی ءِ وزیر فیصل فاضل ابراہیم ءَ گوں مزن تک ءِ مراگش آنی ساھت ءَ گند ءُ نند کتگ۔ دوئیں رہشوناں پاکستان ءُ سعودی عرب ءِ بادشاہی ءِ نیام ءَ برات ءِ سیادی ءُ دائمی امن، جامع وشحالی ءُ دمگی یکوئی ءِ یکجائی وژن ءِ سرا وتی عزم ءِ دوبر پدر کت۔ گپ ءُ تران ءِ تہ ءَ فوڈ سیکیورٹی، مینوفیکچرنگ ءُ کان کنی ءِ وڑیں کلیدی شوبگ آنی تہ ءَ کمک ءَ را گیش کنگ ءِ سر ءَ دلگوشی دیگ بوت۔ دوئیں ملک آنی وت مہ وتی فائدگ ءِ واستہ سرمایہ کاری ءُ تکنیکی کمک ءَ را دیم ءَ برگ ءِ سر ءَ ھم تپاک کنگ بوتگ۔
