اے روچ ءُ زمانگ ءَ کہ تپاکی ءُ چیلنج گیش بوھگ ءَ اَنت ما دیم پہ دیم بوھگ ءِ بدل ءَ ھمکاری ءُ زور ءِ بدل ءَ سفارتکاری ءَ را گیشتر دوست بہ داریں،  پاکستان یکجائی مول ءُ مراد آنی سر ءَ دیم ءَ روگ ءِ واستہ درستاں گوں یکجائی ءَ کار کنگ ءَ تیار اِنت، نائب مزن وزیر جناب محمد اسحاق ڈار

نیویارک ۔23جولائی  (اے پی پی): نائب مزن وزیر ءُ دری کارانی وزیر سینیٹر  اسحاق ڈار ءَ گوشت کہ اے روچ ءُ زمانگ ءَ کہ تپاکی ءُ چیلنج گیش بوھگ ءَ انت مارا زور ءِ بدل ءَ کمک ءُ سفارتکاری ءَ را زور ءِ بدل ءَ ترجیح دیگی انت۔ پاکستان اے یکجائی مکسد آنی سر ءَ دیم ءَ روگ ءِ واستہ درستاں گوں یکجائی ءَ کار کنگ ءَ تیار اِنت۔ مئے دری پالیسی ءِ بُن ھشت کثیر جہتی ءُ اقوام متحدہ ءِ گوما مئے مھکمیں عزم اِنت۔ اقوام متحدہ ءِ منشور ءِ تہا ھواریں مول ءُ مراد ءُ رہبند ھاسیں رنگ ءَ جیڑہانی امن ءُ ایمنی ءِ گیش ءُ گیوار ءُ زور ءِ کارمرز نہ کنگ یا دھمکی دیگ پہ میان استمانی عدالت ءَ ناگزیر اَنت۔ اے رہشونی رہبند پاکستان ءِ سروکی ءَ برجم دارگ بوت انت۔ نائب مزن وزیر ءُ دری کارانی وزیر ءَ اقوام متحدہ ءِ سلامتی کونسل ءِ باسک، شرپداریں مہمان ءُ ایندگر شریکیں مردم آناں وش اتک کنان ءَ گوشت کہ اے ماہ ءَ پاکستان ءِ اقوام متحدہ ءِ سلامتی کونسل ءِ صدارت ءِ درگت ءَ اے مراگش ءَ شمئے درست آناں وش آتک کنگ سک باز وشی اِنت۔ آئی ءَ گوشت کہ پاکستان ءِ دری پالیشی ءِ بنیاتی کنٹگ کثیر نیمگی انت ءُ اقوام متحدہ ءِ گوما مئے مھکمیں عزم انت۔ آئی ءَ گوشت کہ اقوام متحدہ ءِ منشور ءِ تہ ءَ ھواریں مول ءُ مراد ءُ رھبند ھاسیں رنگ ءَ جیڈھ آنی پرامن گیواری ءُ زور ءِ کارمرد نہ کنگ یا ھترہ ءِ واستہ میاں اوستمانی انصاف ءِ واستہ المی اِنت ءُ اے رہشونی رھبند اے ماہ ءَ سلامتی کونسل ءِ مئے صدارت ءِ وھد ءَ مئے شریکداری ءَ را جوڑ کنگ ءَ اَنت، چاہے آ عملی گامگیج بہ بنت یا عملی گامگیج۔ محمد اسحاق ڈار ءَ گوشت کہ مرچی بے رھبندی ءُ جیڈھ ءِ تہ ءَ گیش بوھوکیں دور ءَ گیش ءُ گیوار بوھوکیں جیڈھ آنی آسر ھمک دمگ ءَ یک نیمگی کارروائی ءُ میاں اوستمانی کانود ءِ ھلاپ ورزی ءِ آسر گندگ بوھگ ءَ انت۔ مئے گمان اِنت کہ جھان ءِ امن ءُ ایمنی ایوک ءَ کثیر جہتی ، جیڈھ آنی پرامن گیواری، سرجمیں گپ ءُ تران ءُ میاں اوستمانی کانود ءِ شرپ ءِ وسیلگ ءَ رسگ ءَ اِنت۔ اے رد ءَ انچوش کہ شما زان اِت پاکستان ءَ وتی صدارت ءِ وھد ءَ ردیں اولویت آنی سر ءَ دلگوشی داتگ۔ اولی ایش کہ جیڑہانی پرامنیں راہ ءَ گیش ءُ گیوار کنگ اقوام متحدہ ءِ منشور ءِ یک ٹھینگ بوتگیں رہبندے بلے باز براں اے رہبند ءِ سرا چم شانک دیگ بیت۔ اے اولویت ءِ رد ءَ مزنیں کچے ءَ پچیں بحث ءُ سلامتی کونسل ءِ یک رند ءَ 2788 ءِ قرارداد ءَ چہ پدر بوتگ دومی ما کثیر جہتی ءَ را یک نعرہ ءِ بدل ءَ یک ضرورتے لیکیں۔ شورا سلامتی ءِ تہ ءَ ایوک ءَ رد عمل ءِ دیوان مہ بیت بلکیں ایشی ءِ دیم ءَ دارگ ، جیڑھانی گیش ءُ گیوار ءُ اصولی حکومت ءِ فورم ھم بہ بیت۔ سیمی ایش کہ اقوام متحدہ ءُ دمگی گلانی نیام ءَ کمک ءُ ھاسیں رنگ ءَ اسلامی کمک ءِ گل کہ گوں وتی 57 باسکیں ملکاں جھان ءِ امن ءِ جوڑ کنگ ءِ تہ ءَ یک ھاسیں شریکے ۔ ما 24جولائی ءَ او آئی سی ءِ گوما گند ءُ نند ءَ اے کمک ءَ را گیش گیش کنگ ءِ واھشت داریں۔محمد اسحاق ڈار ءَ گوشت کہ پاکستان اقوام متحدہ ءُ سرجمیں دگنیا ءَ امن ءُ دیمروئی ءِ یکجائی مول ءُ مراد آناں دیم ءَ برگ ءِ واستہ باسکیں ملک، دوست ءُ شریک آنی گوما سرگرمیں رنگ ءَ ھوار اِنت۔ اے ھوار بوھگ ءُ عزم ایوک ءَ سلامتی کونسل ءَ نہ اِنت بلکیں سرجمیں اقوام متحدہ ءِ نظام ءَ ھوار اِنت۔ آئی ءَ گوشت کہ پاکستان موسمی بدلی ءُ دیمروئی ءِ ھوالگ ءَ جھان ءِ بحث ءِ تہ ءَ سروکیں توار اِنت، جنرل اسمبلی، ایکوسوک یا دگہ فورم بہ بنت، ما اقوام متحدہ ءِ ستون آناں مھکم کنگ ءِ ھکل داتگ ءُ امن ءُ ایمنی، دیمروئی ءُ انسانی ھک آنی مھکم کنگ ءِ ھکل داتگ ءُ جھان ءِ ادارگ ءِ اصلاحات ءِ حمایت کتگ تانکہ مئے تنظیم ءِ راج ءَ را گیش احتساب ءُ مفاد ءِ رد ءَ جوڑ کنگ بہ بیت۔ نائب مزن وزیر ءُ وزیر ءِ درئی کار ءَ گوشت کہ پاکستان ءَ 2026-28 ءِ واستہ انسانی ھکانی کونسل ءِ گچین کاری آنی واستہ وتی نامزدگی دیم داتگ، ایشی ءِ کمک ءَ اے آئی بی پیسفک گروپ ھم کتگ، ءُ ما ھم شمئے سرجمیں کمک ءِ واستہ جزم آں۔ آئی ءَ گوشت کہ مئے سیادی گوں انسانی ھک آنی کونسل ءَ TRUCE (سگ اوپار، شرپ، جہانی، تپاکی ءُ ھوار بوھگ) ءِ بزانت  ءِ سر ءَ بندوک اِنت۔ محمد اسحاق ڈار ءَ گوشت کہ گڈ ءَ کلوہ ایش انت کہ یک روچے ءَ کہ تپاکی ءُ چیلنج گیش بوھگ ءَ انت ما دیم پہ دیم ءِ سر ءَ کمک ءُ زور ءِ سر ءَ سفارتکاری ءَ را ترجیح بہ دئیں۔ پاکستان اے یکجاھیں مول ءُ مراداں دیم ءَ برگ ءِ ھاترا شمئے درستانی ھمراھی ءَ کار کنگ ءَ تیار اِنت۔