سینیٹ ءِ چیئرمین سید یوسف رضا گیلانی ءَ نیپالی سفیر ریتا دھیتال ءَ گوں گند ءُ نند کتگ، دو نیمگی سیادی ءِ بابت ءَ گپ ءُ تران

اسلام آباد۔23جولائی  (اے پی پی): سینیٹ ءِ چیئرمین سید یوسف رضا گیلانی ءَ گوشت کہ پاکستان نیپال ءِ گوما وتی براتی سیادی ءَ را سک باز ارزشت دنت کہ ایشی ءِ بنیات یکجائی راجدپتر، دود ءُ ربیدگی سیادی ءُ وت مہ وتی ءِ شرپ ءِ سر ءَ اِنت۔ سید یوسف رضا گیلانی ءَ دو نیمگی سیادی ءَ را گیش مھکم کنگ ءِ عزم ءِ سر ءَ زور پر دیان ءَ اے گپ ءِ سر ءَ زور پر دات کہ دوئیں ملک آنی نیام ءَ کمک ءَ را گیش مھکم کنگ ءِ واستہ مزن تک ءِ پارلیمانی ءُ سفارتی رابطہ المی کرد پیلو کن اَنت ءُ اے رنگیں رابطہ آنی برجائی ءَ را گیش کنگ ءِ ترندیں ضلورت اِنت۔ سینیٹ سیکرٹریٹ ءِ رد ءَ چیئرمین سینیٹ ءَ اے گپ چار شمبے ءِ روچ ءَ پاکستان ءَ نوک گچین بوتگیں نیپالی سفیر ریٹا دھتال ءَ گوں گند ءُ نند ءِ ساھت ءَ کت۔ آئی ئَ سفیر ئَ را مبارکی دات ئُُ پاکستان ئَ آئی ئِ سفارتی ذمہ واری آنی واستہ نیکیں واھشت ئِ درشان کت۔ گند ءُ نند ءِ ساھت ءَ چیئرمین سینیٹ ءَ اے گپ ءِ سر ءَ زور پر دات کہ انوگیں دو نیمگی تجارت ءِ کساس دوئیں ملک آنی نیام ءَ راستیں توانائی ءُ نیک راھی ءِ درشان نہ کنت، مالی سال 2024-25 ءَ دو نیمگی تجارت ءِ کساس ایوک ءَ 6.47ملین امریکی ڈالر بوتگ۔ دفاعی شوبگ ءَ گیش بوھوکیں کمک ءِ سر ءَ دل یکیمی ءِ درشان کنان ءَ گوشت کہ پاکستان ءَ نیپال ءِ اُرد آنی واستہ 101تربیتی سیٹ مفت ءَ داتگ ایشانی تہ ءَ چہ 31 سیٹ آنی سر ءَ عمل کنگ بوتگ۔ وانگ ءُ زانگ ءِ کمک ءِ دیمروئی ءِ ھوالگ ءَ چیئرمین سینیٹ ءَ گوشت کہ پاکستان ٹیکنیکل اسسٹنس پروگرام ءِ رد ءَ ھمک سال نیپال ءِ نودربر آناں 25 اسکالرشپ دنت ءُ آیوکیں وھد ءَ ھمے رجحان برجاہ مان ایت۔ چیئرمین سینیٹ ءَ مذہبی سیل ءُ سواد ءِ شوبگ ءَ را پدر کنان ءَ پاکستان ءُ نیپال ءِ نیام ءَ یکجائی بودائی ورثہ ءِ ذکر کت۔ آئی ءَ ٹیکسلا ءُ لومبینی ءِ راجدپتری رابطہ آناں مذہبی سیل ءُ سواد ءِ واستہ عملی موہ آنی تہ ءَ بدل کنگ ءِ ضلورت ءِ سر ءَ زور پر دات۔ سید یوسف رضا گیلانی ءَ پاکستان ءَ مذہبی سیل ءُ سواد ءِ واستہ نیپالی شہری آں دعوت داتگ ءُ گشتگ کہ آ پاکستان ءَ مذہبی سیل ءُ سواد ءَ چہ سیت چست کت کن انت۔ آئی ءَ دوئیں ملک آناں موسمی مٹ ءُ بدل ءِ رد ءَ ردیں اثر آنی سر ءَ جیڈھ ءِ درشانی کت ءُ گوشت کہ اے چیلنج ءِ گیواری ءِ واستہ دو نیمگی، دمگی ءُ جھان ءِ تک ءَ نزیکیں کمک ءُ حکمت عملی المی اِنت۔ چیئرمین سینیٹ ءَ سارک ءَ را جنوبی ایشیا ءَ دمگی کمک ءِ واستہ یک موثر پلیٹ فارم ءِ رنگ ءَ دوبر فعال کنگ ءِ وتی واھشت ءِ پدا زور دات۔ آئی ءَ نیپال ءِ انوگیں چیئرمین ءُ میزبان ءِ بستار ءَ کرد ءَ را ساڑات ءُ امیت کت کہ تنظیم ءِ سرجمیں کاروائی زوت بحال کنگ بنت۔ گڈسرا چیئرمین سینیٹ ءَ سفیر ءِ سفارتی مدت ءِ سوبمندیں مدت ءِ واھشت مند کت۔ سفیر ءَ چیئرمین سینیٹ ءِ شگر ءُ منت گپت ءُ آئی ءِ ھیال ءُ لیکہ آنی سر ءَ سرجمی ءَ تپاک کت۔