اسلام آباد۔23جولائی (اے پی پی):مزن وزیر محمد شہباز شریف ءَ گوشت کہ ٹیکس ءِ نظام ءِ گہتری ءَ چہ ملک ءِ آمدنی گیش بیت ءُ لس مردم ءِ سر ءَ ٹیکس ءِ بوجھ ءَ را کم کنگ اولی ترجی آنی تہ ءَ ھوار انت۔ ایف بی آر ءِ اصلاحات ءِ سر ءَ عمل کنگ ءِ وھد ءَ کاروباری مردم، کاروباری برادری ءُ ٹیکس دہندگانی آسراتی ءَ را ھیال ءَ دارگ بہ بیت۔ آئی ءَ اے ھیالانی درشانی چار شمبے ءِ روچ ءَ فیڈرل بورڈ آف ریونیو ءَ اصلاحات ءِ ھوالگ ءَ جائزہ دیوان ءِ سروکی ءَ کنان ءَ کت۔ گند ءُ نند ءَ وفاقی وزیر ءِ اھوالکاری ءُ نشریات عطا اللہ ترار، وفاقی وزیر اقتصادی امور ڈویژن احد خان چمھک، وفاقی وزیر کانود اعظم نظیر ترار، چیئرمین ایف بی آر ءُ سیادی داروکیں مزنیں کارندہ آں بہر زرتگ۔ مزن وزیر ءَ گوشت کہ ایف بی آر ءِ اصلاحات آنی سبب ءَ ٹیکس ءِ نظام ءِ گہتری ءَ را وش اتک کنگ بیت، ھما وھد ءِ لوٹ آناں ھمگرنچیں نظام ءِ جوڑ کنگ ءِ واستہ معقولیں وھد ءِ تہ ءَ گامگیج چست کنگ بہ بیت، مول ءُ مراد آنی سرجمی جوان انت بلے گیشاں چہ گیش کوشست کنگ لوٹ ایت۔ آئی ءَ پنت ءُ شون کت کہ ایف بی آر ءِ ڈیٹاائزیشن ءَ چہ مول ءُ مراد آنی سر ءَ سر بوھگ ءَ کمک رستگ، ایشی ءَ را دائمی جوڑ کنگ ءِ واستہ گامگیج چست کنگ بہ بیت بلے یک پائیداریں نظام ءِ جوڑ کنگ ءِ واستہ غیر رسمی معیشت ءِ گر ءُ دار ءِ واستہ نفاذ ءِ ھوالگ ءَ گیش گامگیج چست کنگ بہ بیت، ایف بی آر ءِ ڈیٹا ونگ ءِ نوکیں رنگ ءَ جوڑ کنگ ءِ واستہ یک جامع ایکشن پلان ءِ جوڑ کنگ بہ بیت، ایف بی آر ءِ ڈیٹا ونگ ءِ دوبر جوڑ کنگ ءِ واستہ ٹائم ءِ جوڑ کنگ بہ بیت۔ ایف بی آر ءِ اصلاحات ءِ سر ءَ عمل کنگ ءِ تہ ءَ کاروباری مردم، کاروباری برادری ءُ ٹیکس دہندگانی آسراتی ءَ را ھیال ءَ دارگ بہ بیت۔ مزن وزیر ءَ گوشت کہ اصلاحات ءِ عمل ءَ توامیں اسٹیک ہولڈر آنی گوما شور ءُ سلاھ ءَ چہ آوانی سوج، ٹیکس آناں ھوار کنگ ءَ را دل یکیمی کنگ بیت۔ نظام ءِ گہتری ملک ءِ آمدنی ءَ را گیش کنگ ءُ لس مردم ءِ سر ءَ ٹیکس ءِ بار ءَ را کم کنگ ءِ ھاترا اولی ترجی اِنت۔ دیوان ءَ ایف بی آر ءِ اصلاحات، گامگیج آنی آسر ءُ گوستگیں مالی سال ءِ ٹارگٹ آنی ھوالگ ءَ سرپد کنگ بوت۔ دیوان ءَ را سرپدی دیگ بوت کہ ایف بی آر ءِ نفاذ ءِ گامگیج ءُ ایندگر اصلاحات آنی سبب ءَ ٹیکس ءِ جم کنگ ءِ شرح جی ڈی پی ءِ درسد ءِ رد ءَ 2024ءِ مقابلہ ءَ 2025ءَ 1.5درسد ءِ گیشی بوتگ۔ 2024. ایف بی آر ءِ کسٹم کلیئرنس سسٹم ءَ نہ ایوک ءَ ٹیکس ءِ آمدنی گیش بوتگ بلکیں آیوکیں 3 ماہ ءِ واستہ کلیئرنس ءِ وھد 52 کلاک ءَ چہ کم کنگ بیت ءُ ایوک ءَ 12 کلاک کنگ بیت۔ ریلیف ءِ شوبگ ءَ را 30جون 2025ءَ چہ 2024ءَ تاں ریلیف دیگ بیت۔پوائنٹ آف سیل ءِ بندات کنگ، ایف بی آر ءِ گوما ریلوے سسٹم ءِ ہمگام کنگ ءُ نفاذ ءِ وسیلگ ءَ 455ارب کلدار ءِ گیشیں ٹیکس جم کنگ ممکن بوتگ۔ اولی درجہ ءِ نظام ءِ چار ءُ تپاسی ءِ ھاتر ءَ یک ھاسیں نظام ءِ دیم ءَ آرگ بوتگ کہ ایشی ءِ وسیلگ ءَ ویڈیو لنک ءِ وسیلگ ءَ وھد ءِ سر ءَ کیس آنی سر ءَ کارروائی کنگ بوھگ ءَ اِنت۔ گامگیج آنی سبب ءَ درآمدات ءِ سر ءَ وزنی اوسط ٹیرف ءَ 2.16درسد کمی بوتگ ایشی ءَ چہ صنعت آنی واستہ خام مال ءِ ھرچ ءُ درچ ءَ را کم کنگ ءُ مینوفیکچرنگ ءِ شوبگ ءَ را آسراتی رسیت۔ وانگ ءُ زانگ ءِ شوبگ آنی ٹیکس اصلاحات ءُ ڈیٹاائزیشن ءِ تہ ءَ میاں اوستمانی ماہرین آنی سوج ھوار کنگ بنت۔ موجودہ ڈیٹا ءَ را سرکاری ادارگ آنی گوما صنعت آنی پڑ آناں رجسٹریشن ءِ واستہ جوانیں رنگ ءَ کارمرد کنگ بیت۔ دیوان ءَ ایف بی آر ءِ گیشیں اصلاحات ءِ واستہ شور ءُ سلاھ آنی ھوالگ ءَ ھم سرپد کنگ بوت۔ مزن وزیر ءَ ایف بی آر ءِ کارندہ ءُ اصلاحات ءِ عمل ءَ ہواریں افسر ءُ کارندہ آنی کوشست آناں ساڑات ءُ آیوکیں ہفتگ ءَ تجویز آنی واستہ کارروائی ءِ لائکیں ٹارگٹ ءُ ٹائم فریم ءِ ٹھینگ ءِ پنت ءُ شون کت۔
