وفاقی وانگ ءُ زانگ ءِ وزیر مملکت وجیہہ قمر ءَ ورلڈ فوڈ پروگرام ءِ ملکی ڈائریکٹر کوکو اوشیاما ءَ گوں گند ءُ نند کتگ، اسکول آنی تہ ءَ وردن ءُ وراک  ءُ پت ءُ مات آنی ھیل کاری گامگیج آنی دیمروئی دیگ  ءِ ھد ءُ ابیل آنی  بابت ءَ ھیال ریچی

اسلام آباد۔23جولائی  (اے پی پی): وفاقی وانگ ءُ زانگ ءُ کزبی ھیل کاری ءِ وزیر ءِ مملکت وجیہہ قمر ءَ ورلڈ فوڈ پروگرام ءِ پاکستان کنٹری ڈائریکٹر کوکو اوشیاما ءَ گوں گند ءُ نند کتگ ءُ سرجمیں ملک ءَ اسکول ءِ وردن ءُ وراک، زھگانی زوت دیمروئی ءُ والدین ءِ پڑ ءَ کمک ءَ را گیش مھکم کنگ ءِ گامگیج آنی سر ءَ گپ ءُ تران کتگ۔ یک پریس ریلیز ءِ رد ءَ وجیہہ قمر ءَ زھگانی جان سلامتی ءُ وانگ ءُ زانگ ءِ رسائی ءَ را گہتر کنگ ءِ تہ ءَ ڈبلیو ایف پی ءِ برجاھیں کمک ءِ ستا کرتگ ، ھاسیں رنگ ءَ فوڈ نا ایمنیں ضلع آنی تہ ءَ اسکول فیڈنگ پروگرام آنی وسیلگ ءَ۔ آئی ءَ وزارت ءِ چکانی جامع دیمروئی ءِ سر ءَ دلگوشی ءِ سر ءَ زور پر دات کہ ایشی ءِ تہ ءَ والدین ءِ رہشونی ”آغوش“ ءُ ”پروش“ ءِ بندات کنگ ھوار اِنت، ایشی ءِ مول ءُ مراد نگہبان آناں تغذیہ، جذباتی نگہداشت ءُ اسکول ءِ تیاری ءِ بابت ءَ سرپدی دیگ اِنت۔ آئی ءَ گوشت کہ مئے گمان اِنت کہ یک گُرسیں زھگ وانگ ءَ نہ اِنت، ءُ مئے مول ءُ مراد پاکستان ءِ وانگ ءُ زانگ ءِ نظام ءَ بنداتی سال آنی تہ ءَ وردن ءُ مات ءُ پت ءِ سرپدی ءَ را یکجا کنگ ءَ وانگ ءِ واستہ مھکمیں بنیات جوڑ کنگ اِنت۔ اے موہ ءِ سر ءَ کوکو اوشیاما ءَ وزارت ءِ زھگانی وشھالی ءَ را وانگ ءُ زانگ ءِ پالیشی ءِ بھر جوڑ کنگ ءِ عزم ءِ توسیپ کت۔ آئی ءَ ڈی ایف پی ءِ عزم ءِ نوک کت کہ آ فوڈ سیکیورٹی ءَ را وانگ ءُ زانگ، صنفی برابری ءُ کمیونٹی ءِ مھکمی ءَ گوں یکجائی پروگرام آنی وسیلگ ءَ پاکستان ءِ راجی اولویت آناں کمک بہ کنت۔ دیوان ءَ اسکول ءِ ورگ ءِ پروگرام آناں گیش کنگ ءِ موہ آنی سر ءَ تران کنگ بوت، ایشی ءِ تہ ءَ غذائیت ءِ گامگیج آنی تہ ءَ والدین ءِ سرپدی ھوار اِنت ءُ دور ءُ دراجیں ءُ کم رسوکیں کمیونٹیز ءَ ھدف مندیں مداخلت آنی سر ءَ عمل کنگ ھوار اِنت۔ دیوان ءَ حکومت ءُ ورلڈ بینک ءِ نیام ءَ یکجائی کمک ءِ وسیلگ ءَ پائیدار دیمروئی ءِ مول ءُ مراد (SDGs) ، ھاسیں رنگ ءَ SDG 2 (صفر شُد) ءُ SDG 4 (وانگ ءُ زانگ) ءَ را دیم ءَ برگ ءِ وتی عزم ءِ درشانی کنگ بوتگ۔