وفاقی داخلہ ءِ وزیر محسن نقوی ءَ کلات ءَ ہندوستان ءِ سرپرستی ءَ 4 ناشرکارانی کوش ءِ سرا سیکورٹی فورسز ءَ را  توسیپ ءُ ستا پیش

اسلام آباد۔22جولائی  (اے پی پی): وفاقی تہی کارانی وزیر محسن نقوی ءَ قلات ءَ بھارت ءِ سرپرستی ءَ ناشرکار آنی ھلاپ ءَ سوبمندیں انٹیلی جنس ءِ بنیات ءَ آپریشن ءِ ساھت ءَ 4 ناشرکار آنی کوش ءِ سر ءَ سیکورٹی فورسز ءَ را شگر ءُ منت درشان کتگ۔ وزارت داخلہ ءِ نیمگ ءَ جاڑی بوتگیں بیان ءِ تہ ءَ وزیر داخلہ محسن نقوی ءَ سیکورٹی فورسز ءِ پیشہ وارانہ صلاحیت آناں ساڑاتگ۔ آئی ءَ گوشت کہ بھارت ءِ کمک ءَ 4 ناشرکار آنی کوش ءِ سر ءَ سیکورٹی فورسز ءَ را سلام پیش کناں۔ محسن نقوی ءَ گوشت کہ سیکورٹی فورسز ءَ وھد ءِ سر ءَ کارروائی کتگ ءُ بھارت ءِ سرپرستی ءَ بوتگیں ناشرکار آنی بدیں نیت ناکام کتگ۔ قوم فتنہ الهندستان ءِ ناشرکارانی ھلاسی ءِ ھاترا سیکورٹی فورسز ءِ کارروائی آناں ستا کنت۔ وفاقی وزیر داخلہ محسن نقوی ءَ گوشت کہ بھارت ءِ سرپرستی ءَ ناشرکار آنی مثالی قسمت یک پدریں پیغام ءِ انت کہ اے فتنہ ءَ را پاکستان ءَ وتی دیم ءِ کشگ ءِ جاگہ نہ رس ایت۔ محسن نقوی ءَ گوشت کہ پاکستان فتنہ الهندستان ءِ ھمک یک ناشرکارے ءَ را گار ءُ بیگواہ کنت۔