مزن وزیر محمد شہباز شریف ءَ اسلام آباد ءَ سیف سٹی، کیپیٹل کمانڈ اینڈ کنٹرول سینٹر ءِ تر ءُ تاب کتگ، پولیس اسٹیشن آن وہیلز منصوبہ ءِ بنگیج

اسلام آباد۔22جولائی  (اے پی پی): مزن وزیر محمد شہباز شریف ءَ سیف سٹی، کیپیٹل کمانڈ اینڈ کنٹرول سنٹر ءِ تر ءُ تاب کتگ ءُ سیف سٹی پراجیکٹ ءِ چیر دستی ءَ پولیس اسٹیشن آن وہیلز پروجیکٹ ءِ بنگیج کتگ۔ سئے شمبے ءِ روچ ءَ سیف سٹی، کیپیٹل کمانڈ اینڈ کنٹرول سینٹر ءِ تر ءُ تاب ءَ وفاقی وزیر داخلہ محسن نقوی، وفاقی وزیر اطلاعات ءُ نشریات عطا اللہ ترار ءُ داخلہ ءِ وزیر مملکت طلال چوہدری ہم ھوار اتنت۔ آئی جی پولیس اسلام آباد علی نصیر رضوی ءَ اے موہ ءِ سر ءَ مزن وزیر ءَ را منصوبگ ءِ بابت ءَ سرپد کت۔ آئی ءَ گوشت کہ تھانہ آن وہیلز ءِ مول ءُ مراد 60سال ءَ چہ گیش عمر ءِ مردم آناں ڈرائیونگ لائسنس دیگ ءَ ابید الس ءَ را ایف آئی آر ءُ اے دگہ آسراتی پھجاری کنگ انت۔ بریفنگ ءِ تہ ءَ گوشت کہ سیف سٹی سرویلنس سسٹم ءِ چیر دستی ءَ اسلام آباد ءَ سرجم ءَ 3257کیمرہ ایر کنگ بوتگ اَنت۔ اے کیمرہ اسلام آباد ءِ جتا جتائیں مراگش، محرم ءِ وڑیں ھاسیں مراگش ءُ سیلاب ءِ سیکورٹی ءِ نگرانی ءِ ھاترا کارمرز کنگ بنت۔ یک سالے ءِ تہا 1700 کیمرہ ءِ جوڑ کنگ بوتگ۔ نوکیں منصوبہ ءِ رد ءَ مئے کیمرہ آنی کساس 3300 بیت کہ ایشی ءِ تہ ءَ اسلام آباد ءِ 97درسد دمگ ھوار بنت۔ اے آئی ءُ چہرہ ءِ شناخت ءِ وڑیں نوکیں ٹیکنالوجی ءَ را موثر نگرانی ءِ ھاتر ءَ کارمرز کنگ بوھگ ءَ انت۔ مزن وزیر ءَ تر ءُ تاب ءِ ساھت ءَ پولیس آپریشن سینٹر، آن لائن وومن پولیس اسٹیشن، ٹیکسی ویریفیکیشن سسٹم ءُ ہنچ لیب سنٹر آنی ھم تر ءُ تاب کت۔ مزن وزیر ءَ را گوشگ بوت کہ ٹیکسی ویریفیکیشن سسٹم مسافر ءُ ڈرائیور دوئیں آنی رکھینگ ءِ واستہ جوڑ کنگ بوتگ ءُ اسلام آباد ءَ روگ ءَ بوتگیں درستیں ٹیکسی ءُ ڈرائیور آنی ریکارڈ ءِ رکھینگ بوتگ۔ یک کیو آر کوڈے ایر کنگ بوتگ۔ ہر وھد ءَ کہ مسافر ٹیکسی ءَ نند ایت گڑا آ کیو آر کوڈ ءَ اسکین کنت ءُ اے ٹیکسی ءُ ڈرائیور ءِ تصدیق ءَ کنت۔ مزن وزیر ءَ اہلکار آں گوں گپ ءُ تران کت ءُ آہانی لگن ءُ جزبگ ساڑات۔ مزن وزیر ءَ را گوشگ بوت کہ روچے 25کل ءِ نزیک ءَ کال کیت کہ ایشی ءِ سر ءَ المی گامگیج کنگ بیت۔ مزن وزیر ءَ سیف سٹی ءِ باصلاحیتیں ورنا آناں ہائی پروفائل کیس آنی سر ءَ کار کنگ ءَ آں وتی ازمت آنی پجار ءِ رد ءَ لیپ ٹاپ بھر ءُ بانگ کت۔ مزن وزیر ءَ سیف سٹی ءَ کار کنوکیں اہلکار آں گوں گپ ءُ تران کت ءُ مبارکی دات۔ تر ءُ تاب ءِ ساھت ءَ مزن وزیر ءَ را سیف سٹی ءِ نیمگ ءَ پولیس اسٹیشن آن وہیلز ءِ اولی ڈرائیونگ لائسنس پیش کنگ بوت۔ مزن وزیر ءَ را پولیس اسٹیشن آن وہیلز ءِ چیر دستی ءَ درج بوتگیں اولی ایف آئی آر ھم پیش دارگ بوتگ۔