سعودی ءِ شاہی نیول فورسز ءِ سروک وائس ایڈمرل عبدالرحمن الغریبی ءَ گوں گند ءُ نند کتگ، دمگی ایمنی ءِ جاور ءُ دو نیمگی کمک ءِ بابت ءَ گپ ءُ تران

راولپنڈی۔22جولائی  (اے پی پی): نیول اسٹاف ءِ سروک ایڈمرل نوید اشرف ءَ نیول ہیڈ کوارٹر ءَ سعودی شاہی نیول فورسز ءِ سروک وائس ایڈمرل عبدالرحمن الغریبی  ءَ گوں گند ءُ نند کت۔ آئی ایس پی آر ءِ نیمگ ءَ جاڑی بوتگیں پریس ریلیز ءِ رد ءَ سعودی بحریہ ءِ سروک ءَ را نیول ہیڈ کوارٹر ءَ سر بوھگ ءِ وھد ءَ پاک بحریہ ءِ یک سمارٹ کنٹینٹنگ ءِ نیمگ ءَ آئی ءَ را گارڈ آف آنر پیش کنگ بوتگ۔ گند ءُ نند ءَ وت مہ وتی مفاد ءِ جیڈھ، دمگی ایمنی ءِ جاور ءُ وت مہ وتی کمک ءِ جیڈھ آنی سر ءَ گپ ءُ تران کنگ بوت۔ نیول چیف ءَ پاک بحریہ ءِ نیمگ ءَ دمگی میری ٹائم سیکورٹی گشت آنی وسیلگ ءَ پڑ ءَ امن ءُ ایمنی ءِ واستہ کتگیں گامگیج آنی سر ءَ زور پر دات۔ سعودی بحریہ ءِ سروک ءَ پڑ ءَ دریائی ایمنی ءُ برجائی ءِ ھوالگ ءَ پاک بحریہ ءِ کوشست آناں ساڑات۔ وائس ایڈمرل عبدالرحمن الغرابی ءَ پاک بحریہ اکیڈمی ءَ سعودی کیڈٹ آنی کوالٹی ٹریننگ ءَ را ساڑات۔ پاکستان ءُ سعودی عرب ءِ نیام ءَ دفاعی سیادی ءِ دائرہ کار ءَ را گیش مھکم کنگ ءِ عزم ءِ ھم پدا زور دیگ بوت۔ سعودی بحریہ ءِ سروک ءِ گوستگیں تر ءُ تاب ءَ چہ دوئیں ملک آنی نیام ءَ سیادی گیش ءُ گیوار بنت ھاسیں رنگ ءَ سلاہ بندیں اُرد ءِ نیام ءَ۔