دلیریں افسر ءُ سلاہ بندیں اُرد ءُ کانود ءِ نفاذ ءِ ادارگ آنی کارندہ ناشرکاری ءِ ھلاسی ءِ واستہ جزمیگ  اِنت، مزن وزیر شہباز شریف نیشنل پولیس اکیڈمی ءَ تربیت دیوکیں پولیس افسراں  آناں گشتانک

اسلام آباد۔22جولائی  (اے پی پی): مزن وزیر محمد شہباز شریف ءَ گوشت کہ سلاہ بندیں اُرد ءُ کانود ءِ نفاذ ءِ ادارگ آنی بہادریں افسر ءُ کارندہ ناشرکاری ءِ ھلاسی ءِ واستہ جزم اَنت، الس ءِ جان ءُ مال ءِ رکھینگ ءُ عام الس ءَ را انصاف ءِ پھجارینگ پولیس ءِ شعار اِنت، میرٹ ءِ سر ءَ سرجمی ءَ نفاذ یک معیاری ءِ سرا عمل کنگ اِنت۔ نیشنل پولیس اکیڈمی ءَ کوالٹی ٹریننگ ءُ جوانیں جاہ ءِ آسراتی ءِ پجارینگ ءِ واستہ کمک ءِ پجارینگ بیت، افسر آناں تربیت ءِ واستہ چین ءَ ھم روان دیگ بیت۔ آئی ئَ اے ھیالانی درشانی سئے شمبے ئِ روچ ئَ نیشنل پولیس اکیڈمی ئَ تربیت ئِ تہ ئَ بوھوکیں پولیس افسر آں گوں تران کنان ئَ کت۔ مراگش ءِ تہ ءَ وفاقی وزیر ءِ تہی کار سید محسن نقوی، وفاقی وزیر ءِ ھال ءُ اھوال عطا اللہ ترار، وزیر ءِ تہی کار طلال چوہدری ءُ پولیس ءِ مزنیں افسر ھم ھوار اتنت۔ مزن وزیر ءَ گوشت کہ تربیت ءَ پد پولیس افسر آناں میدان ءَ وتی ذمہ واری آنی پیلو کنگ ءِ وھد ءَ عام مردم آناں انصاف پجاری کنگی اِنت، وتی جان ءُ مال ءِ رکھینگ لوٹ ایت ءُ اے ھما وھد ءَ ممکن اِنت کہ شمئے تربیت ءِ کوالٹی جوان بہ بیت ءُ ایشی ءِ واستہ پولیس افسر آناں سرجمیں آسراتی پجارینگ بہ بنت ءُ تربیت ءِ مستریں مول ءُ مراد ایش اِنت کہ آھاں عام مردم آنی رکھینگ بہ بیت۔ مزن وزیر ءَ گوشت کہ کجام ھم مہذب چاگرد ءِ واستہ اے درستیں چیز سک باز ارزشت دار اَنت، ءُ مول ءُ مراد آنی سر ءَ سر بوھگ ھما وھد ءَ ممکن اِنت کہ شمئے تربیت ءُ جوانیں آسراتی آناں دل یکیمی کنگ بہ بیت۔ مزن وزیر ءَ گوشت کہ بنجاھی وزیر ءِ بستار ءَ ما پنجاب ءَ ایلیٹ فورس جوڑ کتگ ات ءُ اے پولیس فورس ءِ جوڑ کنگ ءِ مول ءُ مراد ایلیٹ ءِ رکھینگ نہ انت بلکیں ناشرکار ءُ چاگرد دژمنیں عناصر ءِ ھلاسی انت۔ ھمے رنگ ءَ ما پاکستان ءُ دمگ ءَ اولی سیف سٹی پروجیکٹ ءِ سر ءَ کار کتگ۔ وھدے کہ ناشرکاری وتی اوج ءَ ات ءُ بے گناھیں مردم نشانگ جوڑ کنگ بوھگ ءَ اتنت گڑا اینٹی ٹیررزم انسٹی ٹیوٹ جوڑ کنگ بوت۔ اے یک معتبریں ادارہ یے ۔ ھمے رنگ ءَ ملک ءِ اولی فرانزک لیب لاہور ءَ جوڑ کنگ بوتگ۔ اے ادارگ ناشرکاری ءُ چاگرد دژمنیں عناصر ءِ ھلاسی ءِ واستہ سرگرمیں کرد پیلو کنگ ءَ انت۔ عام مردم ءِ جان ءُ مال ءِ رکھینگ ءُ ناشرکاری ءِ ھلاسی ءِ ھاترا درستیں ادارگاں یکجائی ءَ سرجمیں کرد پیلو کتگ۔ آئی ءَ گوشت کہ اکیڈمی ءَ تربیت ءِ وھد ءَ پولیس افسر آناں مزنیں کوالٹی ءِ آسراتی پجاری کنگ بہ بیت، ءُ پولیس اکیڈمی ءَ کوالٹی ءِ تربیت ءُ جوانیں جاہ ءِ آسراتی پجارینگ ءِ واستہ سرجمیں رنگ ءَ کمک کنت۔ مزن وزیر ءَ گوشت کہ پنجاب ءِ بنجاہی وزیر ءِ بستار ءَ آئی ءِ دور ءَ پولیس ءِ کارندہ میرٹ ءِ سر ءَ بھرتی کنگ بوتگ اَنت، اگاں من ءَ ھچ وڑیں شکایت رستگ گڈا ذمہ واریں افسر آناں معطل کنگ بوتگ، میرٹ ءِ سر ءَ نفاذ یک وشیں چاگرد ءِ جوڑ کنگ ءِ واستہ یک باوقاریں معیار اِنت، وزیر داخلہ ءُ آئی ءِ ٹیم ءَ را شپ ءُ روچ کار کنگ ءَ اَنت۔ قوم ءِ سرا ۔۔۔ آئی ءَ گوشت کہ مارا نیشنل پولیس اکیڈمی ءِ چاگرد ءَ را گہتر کنگ لوٹ ایت، وزیر داخلہ ءَ نیشنل پولیس اکیڈمی ءَ را سرجمی ءَ نوک کنگ ءِ پیسلہ کتگ، اکیڈمی ءَ انچیں چاگرد جوڑ کنگ بیت کہ کجام ھم تربیتی مرکز ءَ المی اِنت، ءُ پولیس اکیڈمی ءَ ماسٹر ءِ ڈگری دیگ بیت۔ 25 ایکڑ ءِ سر ءَ نیشنل پولیس اکیڈمی جوڑ کنگ بوھگ ءَ انت ۔ انچوش کہ لاہور ءِ شھر بیدی ءَ ایلیٹ ٹریننگ اسکول جوڑ کنگ بوتگ ھمے رنگ ءَ اسلام آباد ءَ ھم چہ ایشی ءَ شرتریں ایلیٹ ٹریننگ اسکول جوڑ کنگ بیت۔ ایشی ءَ ابید فائرنگ رینج ھم جوڑ کنگ بیت، تربیت ءِ تہ ءَ ھواریں افسر آنی واستہ ھاسٹل ھم جوڑ کنگ بیت ءُ پولیس ءِ افسر ھم یک ماہ ءِ تربیت ءِ واستہ چین ءَ روان دیگ بنت۔ مزن وزیر ئَ گوشت کہ تربیت ئِ تہ ئَ پولیس افسر راج ئِ پھرائیں زھگ ئُُ جنک اَنت۔ ایشانی سیادی چہ پنجاب، سندھ، خیبر پختونخوا، بلوچستان ءُ آزات کشمیر ءَ انت۔ وزیر داخلہ گلگت بلتستان ءِ کوٹہ ءِ سرا عمل درآمد ءَ را ہم دل یکیمی کنت۔ مزن وزیر ءَ گوشت کہ مئے پولیس افسر ءُ ورنا ھم شھید آنی تہ ءَ ھوار اَنت۔ مردمانی جان ءِ رکّینگ ءِ وھد ءَ جهلوم ءَ پولیس کارندہ وت شھید بوتگ۔ ھمے رنگ ءَ پولیس کارندہ ءُ ورنا وتی فرض ءِ پیلو کنگ ءَ راج ءِ جان ءُ مال ءِ رکھینگ ءُ ماتیں گلزمین ءِ رکھینگ ءَ وتی سراں ندر کنگ ءَ اَنت۔ چہ ایشی ءَ مستریں قربانی بوت نہ کنت۔ مزن وزیر ءَ گوشت کہ ناشرکاری ءِ ھلاسی ءِ واستہ مئے دلیریں پاکستانی لشکر، کانود ءِ نفاذ ءِ کارندہ، رینجرز ءُ ایف سی ناشرکار آنی گوما بہادری ءَ گوں جنگ ءَ انت، لکاں زھگ آناں وتی زھگاں یتیم کنگ ءَ چہ یتیم بوھگ ءَ چہ رکینگ ءَ انت۔ ما ایشاں سلام پیش کنیں۔ اے موہ ءِ سر ءَ مزن وزیر ءَ تربیت ءِ تہ ءَ بوھوکیں پولیس افسر آناں لیپ ٹاپ بھر ءُ بانگ کت ءُ تربیت ءِ تہ ءَ بوھوکیں پولیس افسر آناں آسراتی پجاری ءُ تربیت ءِ کوالٹی ءَ را گہتر کنگ ءِ واستہ فائرنگ رینج ءُ ہاسٹل ءِ جوڑیشت ءِ واستہ دو منصوبگ آنی بُن ھشت ھم ایر کت۔ ایشی ءَ چہ پیسر تہی کارانی وزیر محسن نقوی ءَ مزن وزیر ءَ را منصوبگ آنی بابت ءَ سرجمیں بریفنگ دات۔ آئی ءَ گوشت کہ یک سالے پیسر وھدے من اکیڈمی ءِ تر ءُ تاب کتگ گڑا آئی ءِ جاور سک ھراب بوتگ انت، اکیڈمی ءِ تہ ءَ کارندہ نیست ات، بلکیں اے ڈمپنگ اسٹیشن جوڑ بوتگ ات۔ آئی ءَ مزن وزیر ءَ گوں اکیڈمی ءِ نوک کنگ ءِ بابت ءَ گپ ءُ تران کت، ءُ پی ایم اے ماڈل ءِ سر ءَ پولیس اکیڈمی ءُ تربیت ءِ کوالٹی ءَ را گہتر کنگ بیت۔ آئی ءَ گوشت کہ پیسر ءَ دگہ ملک آنی مردم اکیڈمی ءَ تربیت ءِ واستہ کاینت، نوں اقوام متحدہ ھم اکیڈمی ءَ وتی پروگرام ءَ بندات کنت، سائبر کرائم ءُ کریمنولوجی ءِ وڑیں نوکیں نوکیں کورس دیم ءَ آرگ بنت، تربیت ءِ افسر آناں ھما وڑیں پگار دیگ بیت، مئے مول ءُ مراد ھم نوکیں ٹیکنالوجی ءِ سر ءَ بنیات ءِ سر ءَ تربیت ءِ دیمروئی کنگ اِنت، اسسٹنٹ کورس ءِ دیم ءَ برگ ھم نہ بیت کہ اسسٹنٹ کورس  ھیل کاری  دیگ بیت۔ نیشنل پولیس اکیڈمی ءِ دیم ءَ ڈمپنگ اسٹیشن نہ بیت۔