نائب مزن وزیر ءُ درئی کارانی وزیر اسحاق ڈار ءَ آسٹریا ءِ چانسلر ءِ گلوبل افیئرز ءِ ھاسیں نمائندہ ءَ گوں گند ءُ نند

نیویارک۔22جولائی  (اے پی پی): نیویارک ءَ اقوام متحدہ ءِ ہیڈ کوارٹر ءَ پائیدار دیمروئی ءِ ھوالگ ءَ مزن تک ءِ سیاسی فورم ءِ ساھت ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ آسٹریا ءِ چانسلر ءِ گلوبل افیئرز ءِ ھاسیں نمائندہ پیٹر لانسکی ءَ گوں گند ءُ نند کت۔ سئے شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ دوئیں نیمگ ءَ پاک آسٹریا ءِ سیادی ءِ جوانیں رجحان ءِ سر ءَ دل یکیمی ءِ درشانی کنگ بوتگ ءُ دو نیمگی کمک ءَ را گیش دیمروئی دیگ ءِ راہ آنی سر ءَ تران کنگ بوتگ ھاسیں رنگ ءَ وانگ ءُ زانگ، سیل ءُ سواد ءُ کاروبار ءِ تہ ءَ۔ آسٹریا ءِ چانسلر ءِ ھاسیں نمائندہ برائے گلوبل افیئرز پیٹر لانسکی ءَ آسٹریا ءِ معیشت ءُ چاگردی دیمروئی ءِ تہ ءَ پاکستانی ڈائسپورا ءِ کرد ءِ توسیپ کت۔ ایشاں کثیر نیمگی فورم ھاسیں رنگ ءَ اقوام متحدہ ءِ تہ ءَ دوئیں ملک آنی نیام ءَ نزیکیں کمک ءِ سر ءَ ھم گپ ءُ تران کت۔ آسٹریا ءَ اقوام متحدہ ءِ سلامتی کونسل ءِ غیر دائمی باسک ءِ بستار ءَ ءُ ھاسیں رنگ ءَ سلامتی کونسل ءِ صدارت ءِ وھد ءَ پاکستان ءِ کرد ءُ کمک ءِ توسیپ کتگ۔