پاکستانی  اُرد  ءَ اسکردو ءَ زمین چنڈ ءِ سبب ءَ بند بوتگیں دگ پچ کتگ اَنت، دراھیں  پستگیں  مردم ءُ گاڑی ایمن ءُ سلامت کشگ بوتگ اَنت

اسلام آباد۔22جولائی  (اے پی پی): پاکستانی فوج ءَ اسکردو ءَ زمین چنڈ ءِ سبب ءَ بند بوتگیں جتا جتائیں راہ پچ کتگ انت وھدیکہ دراھیں  پستگیں  مردم ءُ گاڑی ایمن ءُ سلامت کشگ بوتگ انت۔ سڑک ءِ سرا ٹریفک ءِ بحالی بوتگ ءُ ٹریفک ءِ روانی وش ءُ وشحال انت۔ فوج ءِ لشکر انگت ءَ دمگ ءَ ھست انت کہ آ ھرچ ممکنہ ہنگامی جاور ھال ءَ گوں وھد ءِ سر ءَ دیم پہ دیم بہ بنت۔ گوستگیں روچاں ھئور ءُ ابر ءِ سبب ءَ اسکردو دیوسائی روڈ ءَ جتا جتائیں جاھاں زمین چنڈ بوتگ کہ ایشی ءِ سبب ءَ 40 ءَ بگر داں 50 سیل ءُ سواد کنوک ءُ گاڑیانی تہ ءَ دمگی مردم سڑک ءِ سر ءَ بند بوتگ اَنت۔ پاکستانی فوج ءَ ھما دمان ءَ ریسکیو آپریشن بندات کتگ ۔ یک شپے ءِ بے مٹیں کوشست ءَ پد پاک فوج ءِ انجینئرنگ ٹیماں اسکردو ءَ چہ سدپارہ کوہ پیمائی اسکول ءُ دیوسائی ءَ چہ سدپارا میتگ ءَ ٹوھیں  مشینری ءِ کمک ءَ سڑک سرجم ءَ چہ ھلاس کتگ۔ نوں دراھیں بندیں راہ پچ کنگ بوتگ اَنت ءُ دراھیں بندیں مردم ءُ گاڑی امن ءُ ایمنی ءَ چہ در کنگ بوتگ اَنت۔ سڑک ءِ سرا بحالی کنگ بوتگ ءُ ٹریفک ءِ روانی وش ءُ وشحال انت۔ فوجی فوج انگت ءَ دمگ ءَ ھست انت کہ آ ھرچ ممکنہ ہنگامی جاوراں گوں وھد ءِ سر ءَ دیم پہ دیم بہ بنت۔ دمگی ءُ سیل ءُ سواد کنوکاں پاکستانی لشکر ءِ وھد ءِ سر ءَ کارروائی ءُ پیشہ وارانہ لیکہ ءِ سک باز ستا کرتگ۔