مزن وزیر شہباز شریف ءَ سرجمیں ملک ءَ ھور ءُ سیلاب ءِ سبب ءَ جانی ءُ مال ءِ تاوان ءِ سرا غم ءِ درشانی کتگ، آماچیں مردم آناں ترندیں کمک ءِ پجارینگ ءِ پنت ءُ شون

اسلام آباد۔22جولائی  (اے پی پی): مزن وزیر محمد شہباز شریف ءَ سرجمیں ملک ءَ ھور ءُ سیلاب ءِ سبب ءَ جانی ءُ مال ءِ تاوان ءِ سر ءَ دلپدردی ءِ درشان کنان ءَ پنت ءُ شون کتگ کہ آماچیں مردم آناں ترندیں کمک پجاری کنگ بہ بیت ءُ آیوکیں وھد ءَ ھرچ وڑیں ممکنیں جاور ھال ءَ گوں گر ءُ چیل بوھگ ءِ واستہ ھمک رنگ ءِ تیاری کنگ بہ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ سیلاب ءُ جتاجتائیں حادثہ آنی تہ ءَ بیران بوتگیں مردمانی بُرزیں رند آنی واستہ دعا کتگ ءُ آوانی گس آنی گوما دلپدردی ءِ درشانی کتگ۔ مزن وزیر ءَ حادثہ آنی تہ ءَ ٹپی بوتگیں مردم آناں ترندی ءَ گوں دوا ءُ درمان کمک کنگ ءِ پنت ءُ شون کتگ، سیلاب ءَ چہ آماچیں دمگ آنی تہ ءَ ریسکیو آپریشن ءَ را ترند کنگ ءُ صوبگ ءُ سیادی داروکیں محکمہ آں گوں مُدام رابطہ دارگ ءُ آھاں ھمک رنگیں آسراتی پجاری کنگ ءِ پنت ءُ شون کتگ۔ مزن وزیر ءَ گوشت کہ آماچیں مردم آناں ترندیں کمک پجاری کنگ بہ بیت ءُ آیوکیں روچ آنی تہ ءَ ھرچ ممکنیں جاور ھال ءَ گوں گر ءُ چیل بوھگ ءِ واستہ ھمک رنگ ءِ تیاری کنگ بہ بیت ءُ نیشنل ہائی وے اتھارٹی ءُ ایف ڈبلیو او سرجمی ءَ تیار بہ بنت۔ سیلاب ءِ آماچیں شاہراہ ءُ ہمگرنچیں راہانی بحالی ءِ کار ءَ را ترند کنگ بہ بیت۔