پاکستان ءَ زرئی  ساہ دار آنی رکھینگ   ءُ جوانیں  کارمرز کنگ ءِ سرا منوگری ءِ سرا دستخط کتگ

نیویارک۔22جولائی  (اے پی پی): پاکستان ءِ نائب مزن وزیر ءُ درئی کارانی وزیر محمد اسحاق ڈار ءَ اقوام متحدہ ءِ کنونشن ءِ رد ءَ راجی دائرہ اختیار ءَ چہ دریں دمگ آنی تہ ءَ دریائی زندمان ءِ تنوع ءِ رکھینگ ءُ پائیدار کارمردی ءِ ھوالگ ءَ معاہدہ ءِ سر ءَ دستخط کتگ۔ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ پاکستان ءَ بی بی این جے ءِ گپ ءُ تران ءَ مزنیں کردے پیلو کتگ ھاسیں رنگ ءَ 2022 ءَ دو کلیدی دیوان آنی تہ ءَ ’’77 ءُ چین ءِ گل‘‘ ءِ سروکی کنگ ءَ دیمروئی کنوکیں ملک آنی اجتماعی موقف ءِ نمائندگی کنگ ءَ انت۔ پاکستان ءَ مدام منصفانہ فائدگ ءِ بہر ءُ بانگ، صلاحیت سازی ءُ ٹیکنالوجی ءِ ٹرانسفر ءِ حمایت کتگ کہ اے انسانی میراث ءِ اصولانی رد ءَ انت۔ بی بی این جے ءِ منوگری ءِ سر ءَ دستخط کنگ ءَ پاکستان ءِ کثیر جہتی کمک ءُ راجی دائرہ کار ءَ چہ دریں دمگ آنی تہ ءَ دریائی حیاتیاتی تنوع ءِ رکھینگ ءُ پائیدار کارمرد کنگ ءِ عزم ءِ درشان کنگ بیت۔