اسلام آباد۔22جولائی (اے پی پی): بابوسر ٹاپ ءُ قراقرم شاہراہ ءَ گوستگیں سیلاب ءِ سبب ءَ اوشتاتگیں سیل ءُ سواد ءُ مسافر آناں رکھینگ ءِ واستہ پاک فوج ءَ سرجمیں رنگ ءَ ریسکیو آپریشن بندات کتگ۔ پاک فوج ءِ ھیلی کاپٹراں تاں انوگ ءَ 15 رھادگ بوھگ ءِ وسیلگ ءَ بازیں مردم ایمنیں جاھاں سر کتگ اَنت۔ پاک فوج ءُ گلگت بلتستان اسکاؤٹس ٹیم آماچیں مردماں وردن ءُ وراک …
بابوسر ٹاپ ءُ قراقرم شاہراہ ءِ سرا پاک فوج ءِ ریسکیو آپریشن برجاہ انت، مہلوک ءَ چہ آماچیں دمگاں روگ ءَ چہ پھریزگ ءِ اپیل انت
گیشتریں ھال
اسلام آباد۔22جولائی (اے پی پی): بابوسر ٹاپ ءُ قراقرم شاہراہ ءَ گوستگیں سیلاب ءِ سبب ءَ اوشتاتگیں سیل ءُ سواد ءُ مسافر آناں رکھینگ ءِ واستہ پاک فوج ءَ سرجمیں رنگ ءَ ریسکیو آپریشن بندات کتگ۔ پاک فوج ءِ ھیلی کاپٹراں تاں انوگ ءَ 15 رھادگ بوھگ ءِ وسیلگ ءَ بازیں مردم ایمنیں جاھاں سر کتگ اَنت۔ پاک فوج ءُ گلگت بلتستان اسکاؤٹس ٹیم آماچیں مردماں وردن ءُ وراک ءُ ٹپیگاں ترندیں دوا ءُ درمان ءِ کمک کنگ ءَ انت۔ شپ ءَ چہ مشینری ءُ مردمی قوت سڑک آنی بحالی ءِ ھاترا مدام کار کنگ ءَ انت وھدے کہ بار ءِ کشگ ءُ سڑک آنی پچ کنگ ءِ عمل ھم برجاہ انت۔ بیگواھیں مردمانی شوھازگ ءِ واستہ مشکلیں کوہستانی دمگاں سرچ ءُ ریسکیو ٹیم سرگرم انت۔ پاک فوج ءُ ریسکیو کارندہ آنی پیشہ وارانہ کارکردگی ءَ چہ مزنیں کساس ءَ انسانی جان ءِ رکھینگ بوتگ۔ سیادی داروکیں ادارگ ہمگرنچیں گامگیج زورگ ءَ انت۔ اے درگت ءَ چہ لس مھلوک ءَ اپیل کنگ بوتگ کہ آ آماچیں دمگاں روگ ءَ چہ بہ رکھ اَنت۔
