وزیر منصوبہ بندی  ءُ دیمروئی  میر ظہور احمد بلیدی تربت ءَ بے نظیر نشو نما پروگرام سنٹر ءِ تر ءُ تاب

کوئٹہ۔ 22 جولائی (اے پی پی): پاکستان پیپلز پارٹی بلوچستان ءِ اھوالکاری ءِ سیکرٹری ءُ صوبائی وزیر ءِ منصوبہ بندی ءُ دیمروئی ظہور احمد بلیدی ءَ تربت ءَ بے نظیر نشو نما پروگرام سنٹر ءِ تر ءُ تاب کتگ۔ اے موہ ءِ سر ءَ آئی ءَ گوشت کہ اے وشی ءِ گپ اِنت کہ کیچ ضلع ءَ بنجاہی رنگ ءَ 10 ھزار ءِ کساس ءَ نوک ودی بوتگیں  زھگ رجسٹرڈ کنگ بوتگ اَنت ءُ ھمے کساس ءَ ھاندان اے ھاسیں پروگرام ءَ چہ سیت چست کنگ ءَ اَنت۔ صوبائی وزیر ءَ را سیادی داروکیں کارندہ آنی نیمگ ءَ چہ سرپد کنگ بوت کہ اے پروگرام بے نظیر انکم سپورٹ پروگرام (BISP) ءِ چیر دستی ءَ سرجمیں بلوچستان ءَ 6,90,000 زھگ آناں کمک کنگ ءَ اِنت، کہ زھگ آنی جان سلامتی ءُ وردن ءِ دیمروئی ءِ واستہ یک ھاسیں ءُ وشیں گامگیج اِت۔  میرظہوراحمد بلیدی ءَ گوشت کہ بی آئی ایس پی ءِ نیمگ ءَ چہ زھگ آنی وشیں آیوکیں وھد ءُ جوانیں جان سلامتی ءِ واستہ چست کتگیں گامگیج ستا کرز اَنت، ءُ بلوچستان حکومت اے وشھالی منصوبگ آناں سرجمیں رنگ ءَ کمک ءَ برجاہ دار ایت۔