بلوچستان اسمبلی ءِ زالبولانی دیمروئی برائے قائمہ کمیٹی ءِ گند ءُ نند، کارجاہ ءَ اراسمنٹ  ءَ چہ رکھینگ ءِ ترمیم ءِ  مسل آنی  ھوالگ ءَ جیڈھ آنی سر ءَ چار ءُ تپاسی کنگ بوت

کوئٹہ۔ 22 جولائی (اے پی پی): محکمہ بلوچستان اسمبلی ءِ زالبولانی دیمروئی ءِ حوالہ ءَ قائمی کمیٹی ءِ چیئرمین فضل قادر مندوخیل ءِ سروکی ءَ یک ھاسیں دیوان ءِ برجم دارگ بوت۔ دیوان ءَ کار جاہ ءَ زالبول آناں آزار ءُ اذیت ءَ چہ رکھینگ ءِ ایکٹ ءِ سر ءَ ھیال ریچی کنگ بوت ءُ ترمیم بل 2025ءِ سر ءَ سرجمی ءَ گپ ءُ تران کنگ بوت۔ دیوان ءِ تہ ءَ ڈپٹی اسپیکر غزالہ گولہ، راحیلہ حمید درانی، ربابہ خان بلیدی، شاہدہ روف، صفیہ بی بی، اور مینہ مجید بلوچ ،سیکرٹری اسمبلی طاہر شاہ کاکڑ، سیکرٹری ترقی نسواں سائرہ عطا  ءُ  سپیشل سیکرٹری عبدالرحمن  ءَ بہر زرتگ۔ دیوان ءِ تہ باسک آں بل ءِ جتا جتائیں شق آنی سر ءَ ھاسیں سوج داتگ ءُ گوشت کہ محتسب ءِ کارگس ءِ سپورٹ اسٹاف ءِ گچین کنگ ءِ کارروائی ءَ بدلی کنگ بہ بیت، ءُ ادارگ ءِ وت واجہی ءُ موثر کارکردگی ءَ را دل یکیمی کنگ بہ بیت۔ گند ءُ نند ءَ گوشگ بوت کہ ترمیم ءِ مول ءُ مراد زالبول آنی واستہ ایمن ءُ برابر ءُ برابریں کار ءِ چاگرد پجارینگ اِنت۔ بلوچستان ءِ حکومت زالبولانی واستہ شرپ مندیں چاگرد ءِ پجارینگ ءِ واستہ مھکمیں جزم ءَ انت۔ مسودہ قانون ءِ زالبولانی حقانی رکھینگ ءُ مجرماں عدالت ءِ دیم ءَ آرگ ءِ ھاتر ءَ یک ھاسیں گامگیج اِنت۔ اے بلوچستان ءَ زالبول دوستیں ورک کلچر ءِ جوڑ کنگ ءِ نیمگ ءَ جوانیں گامگیج ءِ بیت۔