سعودی بحریہ ءِ سروک ءَ وزیر دیمپانی خواجہ محمد آصف ءَ گوں گند ءُ نند کتگ، زرئی  کمک ءُ دمگی زرئی  ایمنی ءِ بابت ءَ گپ ءُ تران کتگ

اسلام آباد۔21جولائی  (اے پی پی): سعودی رائل نیول فورسز ءِ بحریہ ءِ سروک وائس ایڈمرل محمد بن عبدالرحمن الغوریہ ءَ وزیر دیمپانی خواجہ محمد آصف ءَ گوں وتی کارگس ءَ گند ءُ نند کت۔ ادا جاڑی بوتگیں پریس ریلیز ءِ رد ءَ گند ءُ نند ءِ ساھت ءَ دوئیں نیمگ ءَ پاکستان ءُ سعودی عرب ءِ بادشاہی ءِ نیام ءَ مھکمیں ءُ برات ءِ سیادی ءِ پدا پدر کنگ بوتگ کہ ایشی ءِ بُن ھشت یکجائی قدر، وت مہ وتی بھروسہ ءُ کمک ءِ یک وشھالیں راجدپتر ءِ تہ ءَ اِنت۔ دوئیں رہشوناں دو نیمگی دیمپانیی کمک ءِ جیڈھ آنی سر ءَ ھیال ءُ لیکہ ءِ درشان کت، ایشی ءِ تہ ءَ ھاسیں رنگ ءَ بحری کمک ءُ دمگی میری ٹائم سیکورٹی ءِ سر ءَ دلگوشی دیگ بوت۔ وزیر دیمپانی خواجہ محمد آصف ءَ دوئیں ملک آنی سلاہ بندیں اُرد آنی نیام ءَ دیریں اسٹریٹجک شراکت داری ءَ را ساڑات ءُ یکجائی مشق، تربیتی تبادلہ ءُ برجاھیں گپ ءُ تران ءِ وسیلگ ءَ وت مہ وتی کمک ءَ را گیش کنگ ءِ ارزشت ءِ سر ءَ زور پر دات۔ دوئیں نیمگ ءَ امن ءُ وت مہ وتی وشھالی ءِ مفاد ءِ واستہ دیمپانیی سیادی ءَ را گیش مھکم کنگ ءِ وتی عزم ءِ پدا زور دات۔ گند ءُ نند ءِ گڈ ءَ پاکستان ءُ سعودی عرب ءِ نیام ءَ دیریں دو نیمگی سیادی ءِ پدا زور دیگ بوت کہ ایشی ءِ بنیات یکجائی واھشت ءُ دیمروئی ءِ واستہ یکجائی وژن ءِ سر ءَ انت۔