مزن وزیر ءَ میڈیکل ڈیوائسز ءِ لائسنسنگ ءُ رجسٹریشن ءِ واستہ ڈیجیٹل سسٹم ءِ بنگیج کت،  طبی شعبہ ءِ تہا آشوب آرگ مشکل انت بلے ناممکن نہ انت،  شہباز شریف ءِ گشگ انت کہ ملک ءِ کسمت  ءِ بدل کنگ ءِ ھاترا ہرکس ءَ یکجاہ کرد پیلو کنگی انت

اسلام آباد۔21جولائی  (اے پی پی): مزن وزیر محمد شہباز شریف ءَ میڈیکل ڈیوائسز ءِ لائسنسنگ ءُ رجسٹریشن ءِ واستہ ڈیجیٹل سسٹم ءِ بنگیج کنان ءَ گوشت کہ میڈیکل شوبگ ءَ آشوب آرگ مشکل اِنت بلے نا ممکن نہ اِنت۔ ملک ءِ کسمت ءِ بدل کنگ ءِ ھاترا ہرکس ءَ یکجاہ کرد پیلو کنگی اِنت۔ آ روچ دیر نہ اِنت کہ ما دنیا ءِ تہا وتی سر ءَ برز کنان ءَ رھادگ بئیں۔ وزارت ءِ جان سلامتی ءَ  ڈیجیٹلائزیشن   ستا کرزیں اَنت۔  آئی ءَ طبی آلات آنی لائسنسنگ ءُ رجسٹریشن ءِ واستہ ڈیجیٹل سسٹم ءِ بنگیج کنگ ءِ مراگش ءَ گوں گشتانک دیگ ءَ ات۔ مزن وزیر شہباز شریف ءَ وزیر جان سلامتی، جان سلامتی سیکرٹریٹ، سی ای او ڈرگ ریگولیٹری اتھارٹی آف پاکستان ءُ آہانی ٹیم ءَ را میڈیکل ڈیوائسز ءِ لائسنسنگ ءُ رجسٹریشن ءِ واستہ ڈیجیٹل سسٹم ءِ بندات کنگ ءِ پد ءَ مبارک بات دات ءُ گوشت کہ وزارت جان سلامتی ءَ ڈیٹاائزیشن ءِ عمل ستا کرز انت۔ ما اے ڈیجیٹل سسٹم ءِ سرا عمل کنگ ءِ کار پی ڈی ایم حکومت ءِ زمانگ ءَ بندات کتگ۔ ڈراپ ءِ یک توانمندیں سی ای او یے اتکگ۔ ڈراپ ءِ تہا توانمندیں مردم ہم بوتگ انت بلے آہاں چہ چماں گار کنگ بوتگ۔ سی ای او ءَ را سرجمیں میرٹ ءِ سر ءَ گچین کنگ بوتگ۔ فدرال وزیر صحت شپ ءُ روچ کار کنگ ءَ اِنت۔ آئی ءِ شپ ءُ روچ ءِ محنت ھم کراچی ءِ سروک ءِ بستار ءَ آئی ءِ کارکردگی ءَ پیش دارگ ءَ اِنت۔ مزن وزیر ءَ گوشت کہ اے یک دراجیں سفر انت۔ پاکستان ءِ یک دوستیں ملکے ءَ ہسپتال ءُ برن یونٹ تحفہ دات کہ بازیں سالاں چہ بند انت۔ مصطفیٰ کمال ءَ ھما وھد ءَ ایشی ءِ نوٹس زرت کہ آئی ءَ جست کت۔ نوں اے چالو کنگ بوھگ ءَ اِنت۔ آئی ءَ گوشت کہ انگت ءَ دیر نہ اِنت، اگاں ما مرچی پیسلہ بہ کن ایں کہ مارا طبی شوبگ ءَ آشوب آرگ لوٹ ایت گڈا اے گپ یقیںن ءَ مشکل اِنت، نا ممکن نہ اِنت۔ آئی ءَ گوشت کہ مرچی ھما نظام ءِ بنگیج کنگ بوھگ ءَ انت ایشی ءِ تہ ءَ میڈیکل ڈیوائسز ءِ 20 روچ ءِ تہ ءَ رجسٹریشن ءِ موہ رس ایت، بازیں سالاں چہ آسر رسگ ءَ نہ ات، ادا رشوت ءِ بازار گرم ات، مرچی ایشی ءِ تہ ءَ اصلاحات ءُ شفافیت آرگ بوتگ۔ مزن وزیر ءَ گوشت کہ امیت انت کہ وزیر، سیکرٹری ءُ سی ای او 20 روچ ءَ میرٹ ءِ سر ءَ پیسلہ کنان ءَ راجدپتر جوڑ کن انت۔ آئی ءَ گوشت کہ راولپنڈی انسٹی ٹیوٹ آف کارڈیالوجی پروجیکٹ ءِ بندات کنگ ءِ وھد ءَ اے وڑیں انچارج ءِ ضلورت بوتگ تانکہ راستیں بزانت ءَ اے ادارگ آزات کشمیر، گلگت بلتستان، کے پی کے ءُ ایندگر ھمساھگیں ریاست آنی نادراھ آناں سیت بہ دنت ءُ آھاں جوانیں درمان ءِ آسراتی پجاری بہ کنت۔ ایشی ءِ ھاتر ءَ جنرل اظہر خان ءِ ستا کنگ بہ بیت ءُ آئی ءِ دل ءِ جہلانکی ءَ چہ دعا آئی ءِ ھاتر ءَ درکپگ ءَ انت، پرچا کہ آئی ءَ راولپنڈی انسٹی ٹیوٹ آف کارڈیالوجی ءَ را پاکستان ءِ دل ءِ نادراہی ءِ ھاتر ءَ جوانیں ہسپتال آنی تہ ءَ یکے جوڑ کتگ۔ مارا پاکستان ءَ ھمے وڑیں نظام ءِ ضلورت اِنت۔ فدراسیون ءُ صوبہ آں یکجاہ گامگیج چست کنگی انت۔ آئی ءَ گوشت کہ 2015-16ءَ وھدے ارباں کلدار ءِ گوما مستحقیں نادراہ آناں مفت دوائی آنی پھجارینگ ءِ منصوبگ بندات کنگ بوتگ گڑا آ وھد ءَ دوائی آنی سادہ ٹیسٹر روان دیگ بوتگ اَنت، اے گپ پدر بوتگ کہ 60درسد دوائی آنی رسائی غیر معیاری گندگ بوتگ، اے یک گرانیں کارے بوتگ ءُ ایشی ءَ پد ما اے ممکنہ گامگیج چست کتگ کہ یونیفارم ءِ لوٹ ءُ گزر ءِ واستہ سرکاری نادراھجاھانی تہ ءَ درمان ، مئے گامگیجانی سوب ءَ کمیں وھد ءِ تہ ءَ سرکار ءِ نیمگ ءَ چہ زرتگیں درمان پہ دوبر چکاسگ ءَ روان دیگ بوتگ اَنت ءُ درست سٹینڈرڈ بوتگ اَنت ۔ آئی ءَ گوشت کہ جیڈھ است انت بلے اگاں یک مردمے دل ءَ چہ پیسلہ بہ کنت کہ اے جیڈھ آنی گیواری کنگی انت گڈا دیمروئی ءُ وشھالی ءِ راہ ءَ ھچ چیز بند نہ کنت، ایشی ءِ واستہ محنت کنگ ءُ اللہ تعالیٰ ءَ چہ کمک لوٹگ المی انت، اللہ تعالیٰ کس ءِ محنت ءَ بے سوب نہ کنت، آ ضرورت ءَ اجر ءَ دنت۔ آئی ءَ گوشت کہ مارا پاکستان ءِ آکبت بدل کنگی انت ءُ آ روچ زوت کئیت کہ ما دگنیا ءِ تہ ءَ وتی سر ءَ چست کن ایں، ایشی ءِ واستہ سرجمیں راج ءَ را یکجائی ءَ پیسلہ کنگی انت۔ ایشی ءَ چہ پیسر مراگش ءَ گوں گشتانک دیان ءَ وفاقی جان سلامتی ءِ وزیر سد مصطفیٰ کمال ءَ گوشت کہ ما الس ءِ آسراتی ءُ نظام ءِ تہ ءَ گہتری ءِ واستہ کار کنگ ءَ ایں ۔ مزن وزیر ءِ ہدایت آنی رژنائی ءَ ما اصلاحات ءِ عمل ءَ گوں دیم ءَ روگ ءَ آں ۔ میڈیکل ڈیوائسز ءِ لائسنسنگ ءُ رجسٹریشن ءِ واستہ ڈیٹا سسٹم مزن وزیر ءِ وژن اِنت، ایشی ءَ چہ کرپشن ءِ ھلاسی بیت۔ اے نظام ءِ پد ءَ ما طبی آلاتانی رھبند ءِ تہ ءَ کس ءِ کمک ءَ نہ کن ایں ۔ آئی ءَ گوشت کہ اے نظام ءِ چیر دستی ءَ گس ءَ مئے کاگد سرجم کنگ ءَ پد درخواست دیگ ءِ 20روچ ءِ تہ ءَ گس ءَ لائسنس دست کپ ایت۔ آئی ءَ گوشت کہ پاکستان ءَ میڈیکل ڈیوائسز ءِ رجسٹریشن ءِ عمل سک باز گران ات، میڈیکل ڈیوائسز ءِ ریگولرائزیشن ءُ ھاسیں سفارش ءِ دود ءُ ربیدگ اے نظام ءَ چہ پد ھلاس بیت۔ آئی ءَ گوشت کہ ما استیں وسیلگ آناں ھم دارگ ءِ وھد ءَ جیڈھ آناں گیواری ءِ کوشست ءَ کنگ ءَ آں، ڈیٹا سسٹم ءِ بندات کنگ ءَ آئی ٹی ءُ انفارمیشن ءُ براڈکاسٹنگ ءِ وزیر آنی کمک ءِ منت وار آں ۔ آئی ءَ گوشت کہ مزن وزیر سکیں باصلاحیتیں مردمے ءُ سئے رند ءَ یک صوبگے ءِ سر وزیر ءُ مزن وزیر ءِ اگدہ ءِ سر ءَ کار کنگ ءَ پد آ ہرچ تفصیل ءَ زانت۔ وزیر ءُ منشیاں چہ گیش کار کنت ءُ زانت ءُ زانت ءِ واھند اِنت۔ کارکردگی ءُ پیگیری ءِ لحاظ ءَ آ چہ کس ءَ دیم ءَ نہ اِنت۔ من ءَ افتخار ءُ اطمینان اِنت کہ ملک ءِ لگام جوانیں دستاں اِنت۔ آ کارآمد اِنت۔ رجسٹریشن ڈیٹا سسٹم ءِ وژن ہم مزن وزیر ءِ انت۔ پہ ایشی ءَ من ءَ آئی ءِ ھر گام ءِ رھشونی ءُ کمک رستگ۔ ما نرسنگ ءُ میڈیکل ڈینٹل کونسلاں شر کنگ ءَ ایں ۔ ما بنجاہی جان سلامتی ءِ ھیالداری ءَ را مھکم کنگ ءَ ایں ۔ ایشی ءِ سبب ءَ مزنیں نادراھجاھانی سر ءَ نادراہانی نیمگ ءَ زور ءُ زوراکی ھست۔ آئی ءَ گوشت کہ مزن وزیر ءَ آبادی ءِ رد ءَ گریب ءِ مزنیں کچے جوڑ کتگ۔ پاکستان ءِ تہ ءَ انوگیں آبادی ءِ شرح 2.5درسد اِنت وھدے کہ زھگ ءِ پیداک کنگ ءِ شرح 3.6درسد اِنت۔ ما ہر سال اے ملک ءِ آبادی ءَ چہ 100 میلیون ءَ گیش کنگ ءَ ایں ۔ ہر سال 6.1 ملین مردم گیش بوھگ ءَ انت۔ پہ دیمروئی ءِ پائیدار ءَ آبادی ءِ شرح ءَ را 2 درسد ءَ سر کنگ لوٹیت۔ آئی ءَ گوشت کہ پاکستان ءَ 68 درسد مردمانی بیرانی آپ ءِ نا شریں آسراتی ءِ سبب ءَ انت۔ نوکیں ہاؤسنگ سوسائٹیانی تہا صفائی ءِ ہچ وڑیں بندوبست نیست۔ آئی ءَ گوشت کہ ما کیو آر کوڈ ءُ بارکوڈ ءِ دیم ءَ آرگ ءَ ایں کہ ایشی ءِ وسیلگ ءَ 240ملین مردم سرپد بنت کہ دوائی جعلی انت یا اصل انت، ایشی ءِ ھلاس بوھگ ءِ روچ ءُ ایشی ءِ اصل نھاد۔ ما اے کار ءَ سئے ماہ ءِ تہا سرجم کنیں۔ اے موہ ءِ سر ءَ مزن وزیر ءَ وفاقی وزیر ءُ ایندگر حکام ءِ گوما باقاعدہ تفصیلی نظام ءِ بنگیج کت۔ اے موہ ءِ سر ءَ میسرز کوئیک ٹیسٹ پاکستان لمیٹڈ  ءِ  سی ای او  ءَ مزن وزیر ءِ نیمگ ءَ چہ  وتی  لائسنس دست گپت۔ اے موہ ءِ سر ءَ وفاقی وزیر عطا اللہ تارڑ، طارق فضل چوہدری، شزہ  فاطمہ خواجہ ءُ وزارت جان سلامتی ءُ ڈراپ ءِ مزنیں کارندہ ھم ساڑی اتنت۔