وفاقی وزیر اطلاعات عطا اللہ تارڑ ءَ مسلم لیگ (ن) ءِ سوشل میڈیا ٹیم ءِ  شاھوکاریں   باسک کاشف اعوان ءِ لوگ ءَ تر ءُ تاب کتگ ءُ آئی ءِ مات ءِ بیرانی ءِ سر ءَ دلپدردی درشان کتگ ءُ چہ رھادگ بوتگیں ارواح ءِ  ھاترا پاتیہ ونتگ

لاہور ۔21جولائی  (اے پی پی): وفاقی وزیر اطلاعات ءُ نشریات عطا اللہ تارڑ ءَ مسلم لیگ (ن) ءِ سوشل میڈیا ٹیم ءِ  شاھوکاریں باسک  کاشف اعوان ءِ لوگ ءَ تر ءُ تاب کتگ ءُ آئی ءِ مات ءِ بیرانی ءِ سر ءَ دلپدردی درشان کتگ ءُ بیران بوتگیں ارواح ءِ واستہ فاتحہ پیش کتگ۔ وفاقی وزیر ءَ کاشف اعوان ءُ بیران بوتگیں ایندگر کھول ءِ گوما دلپدردی ءِ درشانی کتگ۔ اے موہ ءِ سر ءَ آئی ءَ گوشت کہ کاشف اعوان ءِ مات ءِ بیرانی ءِ ھال ءِ اشکنگ ءَ من ءَ سک دلپدرد بوتگ، مات ءِ وڑیں مزنیں شخصیت ءِ بیرانی یک انچیں غمے کہ آئی ءِ ھلاسی نہ بیت۔ آئی ءَ دعا کت کہ اللہ تعالیٰ بیران بوتگیں مردم ءَ را وتی رحمت ءِ تہ ءَ بُرزیں مقامے بہ دنت ءُ پُشپداں صبر ءُ اوپار بہ دنت۔ مزن وزیر ءِ میڈیا کوآرڈینیٹر بدر شہباز وڑائچ  ھم وفاقی وزیر ءِ  اھوالکاری  ءِ گوما   ھمبراہ بوتگ۔