وفاقی داخلہ ءِ وزیر محسن نقوی ءَ کابل ءَ اوگان ہمکار سراج الدین حقانی ءَ گوں گند ءُ نند

کابل۔20جولائی  (اے پی پی): وفاقی تہی کارانی وزیر محسن نقوی ءَ گوں وتی اوگان ھمکار سراج الدین حقانی ءَ کابل ءَ ھاسیں گند ءُ نند کت۔ گند ءُ نند ءِ تہ ءَ دو نیمگی سیادی ھاسیں رنگ ءَ انسداد ناشرکاری ءُ نفوذ ءُ بندش جتگیں تحریک طالبان پاکستان ءِ ھوالگ ءَ ھیال ءُ لیکہ درشان کنگ بوت۔ یک شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ اوگانستان ءِ تہی کارانی وزیر سراج الدین حقانی ءَ وزیر داخلہ محسن نقوی ءَ را اوگانستان ءِ تہی کارانی وزارت ءَ وش آتک کتگ۔ اے موہ ءِ سر ءَ پاک اوگانستان ءِ سیمسر ءِ جوانیں انتظامی، قاچاق ءِ گر ءُ دار ءُ سیمسر ءِ سرا چہ رؤگ ءُ آیگ ءِ رھبند ءِ رھبندانی سر ءَ گپ ءُ تران کنگ بوت۔ دوئیں رہشونانی نیام ءَ پاکستان ءَ ناجائزیں رنگ ءَ نندوکیں افغان شہری آنی وطن ءَ واتر کنگ ءِ عمل ءِ بابت ءَ گپ ءُ تران بوتگ۔ دوئیں تہی کارانی وزیر آناں پاکستان ءُ اوگانستان ءِ نیام ءَ پرامن ءِ ھواری، برجائی ءُ کمک ءِ ضلورت ءِ سر ءَ زور پر دات۔ ناشرکاری ءُ ناشرکاری ءِ آفت ءِ ھلاسی ءِ واستہ وت مہ وتی کمک ءَ را مھکم کنگ ءِ ھوالگ ءَ وزیر داخلہ ءِ دوئیں معاہدہ۔ اے موہ ءِ سر ءَ تہی کارانی وزیر محسن نقوی ءَ گوشت کہ ناشرکاریں گل آشوب ءُ بے رھبندی ءِ سوب جوڑ بوھگ ءَ اَنت، ایشی ءَ را یکجائی ءَ گر ءُ دار کنگ لوٹ ایت، پاکستان گوں اوگانستان ءَ براتی ءُ دیریں سیادی لوٹ ایت۔ محسن نقوی ءَ گوشت کہ پاکستان ءَ دہائی آنی تہ ءَ لاکھوں اوگان پناہ گزین آناں بے مٹیں رنگ ءَ میزبانی کتگ ءُ  اوگان شہری آنی قانونی داخلہ ءِ واستہ دروازگ پچ کنگ بوتگ اَنت۔ اے موہ ءِ سر ءَ اوگانستان نائب وزیر داخلہ ابراہیم سردار ،پاکستان  ءِ  نمائندہ ھاسیں  برائے  اوگانستان  محمد صادق، وفاقی سیکرٹری داخلہ خرم آغا،  ٹوھیں سفارتی کارندہ ءُ اگان  وزارت ءِ  داخلہ  ءِ کارندہ  اے موہ ءَ  ساڑی بوتگ اَنت۔