وفاقی داخلہ ءِ وزیر محسن نقوی باکا خلاب تھانہ بکا خیل  ءِ سر ءَ  فتنۃ  الہندوستان  ءِ ناشرکار آنی اُرش ءَ را ناکام کنگ ءِ ھاتر ءَ پولیس ءَ را  توسیپ ءُ ستا  پیش کتگ

اسلام آباد۔20جولائی  (اے پی پی): وفاقی تہی کارانی وزیر محسن نقوی ءَ تھانہ بکا خیل  ءِ سر ءَ  فتنۃ  الہندوستان ءِ سر ءَ   ناشرکار آنی اُرش ءَ را ناکام کنگ ءِ سر ءَ پولیس ءَ را شگر ءُ  منت گپت ءُ  خیبر پختونخوا پولیس ءِ بہادری ءَ را ساڑات۔ وزارت داخلہ ءِ نیمگ ءَ جاڑی بوتگیں پریس ریلیز ءِ رد ءَ محسن نقوی ءَ گوشت کہ خیبر پختونخوا پولیس ءَ بہادری ءَ گوں بھارت ءِ سرپرستی ءَ ناشرکار آنی دیم ءَ دیم پہ دیم بوتگ ءُ  آوانی اُرش ءَ را پد ءُ رند کتگ۔ آئی ءَ گوشت کہ پولیس ءَ بھارتی سرپرستی ءَ کار کنوکیں ناشرکار آنی اُرش ءِ سر ءَ لائکیں پسو داتگ ءُ  آھانی نا شریں ارادہ ناکام کتگ۔ وفاقی تہی کارانی وزیر محسن نقوی ءَ گیش گوشت کہ خیبر پختونخوا پولیس ءِ بہادریں زھگاں گوستگیں وھد ءَ ھم فتنت الهندو ناشرکار آنی اُرش آناں پد ءَ دیم داتگ۔ وفاقی وزیر ءَ فتنہ الہندوستان ءِ ناشرکار آنی نا شریں منصوبگ آناں ناکام کنگ ءِ سر ءَ سرجمیں پولیس ٹیم ءَ را مبارک بات دات ءُ  گوشت کہ مارا خیبر پختونخوا پولیس ءِ دلیریں زھگ آنی سر ءَ پھر   اِنت۔