صدر آصف علی زرداری ءَ قلات  آپریشن ءَ 4 درئی  ناشرکارانی کوش ءِ پد ءَ سیکورٹی فورسز ءَ را  توسیپ ءُ ستا پیش کتگ

اسلام آباد۔20جولائی  (اے پی پی): صدر آصف علی زرداری ءَ قلات  آپریشن ءَ 4درئی  ناشرکارانی کوش ءِ سر ءَ سیکورٹی فورسز ءَ را شگر ءُ  منت پیش کنان ءَ گوشت کہ سیکورٹی فورسز ناشرکاری ءِ ھلاسی ءِ واستہ مدام جزمیگ اَنت، راج ءِ یکوئی ءَ گوں ناشرکاری ہر قیمت ءَ شکست دیگ بیت۔ یک شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ ریاست ناشرکاری ءِ ھلاپ ءَ سرجمیں زور ءَ گوں گامگیج زورگ ءَ برجاہ دار ایت، ءُ  فتنہ ہندوستان  ءِ ناشرکار آناں گڈ ءَ تاں پد ءُ  رند کنگ بیت۔