مزن وزیر پنجاب پولیس کانسٹیبل حیدر علی ءَ را یات کنائینت کہ ریسکیو آپریشن ءَ شہید بوتگ، سرجمیں راج ءَ حیدر علی شہید، شہباز شریف ءِ سر ءَ پھر انت

اسلام آباد۔18جولائی (اے پی پی): مزن وزیر محمد شہباز شریف ءَ ضلع جہلم ءِ سیلاب ءَ چہ آماچیں دمگ ءَ ریسکیو آپریشن ءِ تہ ءَ مردمانی جان ءِ رکّینگ ءِ وھد ءَ شہید بوتگیں پنجاب پولیس ءِ کانسٹیبل حیدر علی ءَ را شگر ءُ منت درشان کتگ ءُ گوشت کہ سرجمیں راج ءَ علی حیدر ءِ سر ءَ پھر اِنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ حیدر علی ءَ وتی جند ءِ ھیالداری ءَ ابید بازیں مردم آناں سیلاب ءِ آپ ءَ چہ رکینتگ، سرجمیں راج ءَ را حیدر علی شہید ءِ سر ءَ پھر اِنت۔ آئی ءَ گوشت کہ حیدر علی شہید ءِ ھاندان ءِ گہبودی ءِ واستہ ھمک رنگ ءِ گامگیج کنگ بہ بیت۔ مزن وزیر ءَ گوشت کہ گوستگیں سیلاب ءِ جاور ھال آنی تہ ءَ پاکستان ءِ پولیس، سیکورٹی فورسز ءِ کارندہ، این ڈی ایم اے ءُ پی ڈی ایم اے ءِ کارندہ آں جوانیں ریسکیو آپریشن کتگ۔ مزن وزیر ئَ شہید حیدر علی ئِ مستریں رند ئِ واستہ دعا کتگ ءُ آئی ئِ گس ئِ گوما دلپدردی ئِ درشانی کتگ۔