مزن وزیر محمد شہباز شریف ءَ مالی سال 2024-25 ءَ 2.1ارب ڈالر ءِ کرنٹ اکاؤنٹ سرپلس ءِ سر ءَ سر بوھگ ءِ سر ءَ منت واری ءِ درشانی کتگ

اسلام آباد۔18جولائی (اے پی پی): مزن وزیر محمد شہباز شریف ءَ مالی سال 2024-25 ءَ کرنٹ اکاؤنٹ سرپلس 2.1ارب ڈالر ءِ سر ءَ سر بوھگ ءِ سر ءَ منت واری ءِ درشانی کنان ءَ گوشت کہ اے گپ سک باز وش اتک کنگ بیت کہ گوستگیں 22سال آنی تہ ءَ کرنٹ اکاؤنٹ سرپلس ءِ کچ ءَ سر بوتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ حکومتی گامگیج آنی سبب ءَ زرّ ءِ ذخیرہ 19ارب ڈالر ءَ چہ گیش بوتگ، کرنٹ اکاؤنٹ سرپلس ءِ تہ ءَ استحکام ءِ مستریں سبب زرّ ءِ دیم دیگ ءُ برآمدات ءِ تہ ءَ مزنیں گیشی اِنت۔ آئی ءَ گوشت کہ گہتر بوھوکیں مالیاتی ءُ اقتصادی اشاریہ آنی رد ءَ ملک ءِ معیشت استحکام ءِ راہ ءَ رھادگ بوتگ۔ مزن وزیر ءَ گوشت کہ حکومت ملک ءَ کاروباری ءُ سرمایہ کار دوستیں چاگرد ءَ را گیش گہتر کنگ ءِ واستہ اولی گامگیج کنگ ءَ انت، حکومتی اقتصادی ٹیمب ءِ کوشست ستا کرز انت۔