مزن وزیر محمد شہباز شریف ضلع مستونگ ءَ ناشرکاری اُرش ءَ پولیس ءِ کارندہانی شہید ءِ سرا غم ءِ درشانی

اسلام آباد۔18جولائی (اے پی پی): مزن وزیر محمد شہباز شریف ءَ بلوچستان ءِ ضلع مستنگ ءَ پولیس ءِ موبائل ءِ سر ءَ ناشرکاری اُرش ءَ پولیس ءِ کارندہ آنی شھید بوھگ ءِ سر ءَ دلپدردی درشان کتگ ءُ گوشت کہ ناشرکار آنی نا شریں ارادہ ملک ءِ یکوئی ءَ را تاوان دیگ ءَ اَنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شہید آنی واستہ مغفرت ءُ کھول آنی واستہ صبر ءُ جبر ءِ دعا کتگ ءُ ٹپی آناں ترجیحی بنیاد ءَ ترندیں طبی کمک ءِ پجارینگ ءِ ہدایت کتگ۔ آئی ءَ گوشت کہ ناشرکار آنی نا شریں نیت کہ ملک ءِ یکوئی ءَ را تاوان دیگ ءَ اَنت آ گرد ءُ مٹی ءَ چہ ٹُکّر ٹُکّر کنگ بنت۔ مزن وزیر ءَ گوشت کہ حکومت ءُ سیکورٹی فورسز ملک ءَ چہ ناشرکاری ءَ را سرجمی ءَ ھلاس کنگ ءِ واستہ جزمیگ اَنت۔