الیکٹرک وہیکلز حوصلہ افزائی ءَ چہ ارباں ڈالر ءِ ایندھن ءِ بچت بیت، چاگردی رکھینگ ءِ تہا کمک بیت ءُ دمگی صنعت ءِ دیمروئی بیت، مزن وزیر محمد شہباز شریف

اسلام آباد۔18جولائی (اے پی پی): مزن وزیر محمد شہباز شریف ءَ الیکٹرک گاڑی آناں عام مردم ءِ دست ءَ جوڑ کنگ ءِ واستہ حکومتی تک ءَ گامگیج آنی یک سرجمیں منصوبگ ءِ جوڑ کنگ ءِ ہدایت کتگ ءُ گوشت کہ الیکٹرک گاڑی آناں دلبڈی دیگ ءَ چہ ارباں ڈالر ءِ ایندھن ءِ بچت بیت، بنجاہی صنعت ءِ رکھینگ ءَ کمک رسیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ملک ءَ الیکٹرک گاڑی آنی دلبڈی، الیکٹرک بائیک، رکشہ ءُ لوار ءِ گرگ ءَ سرکاری کمک ءِ ھوالگ ءَ جمعہ ءِ روچ ءَ مزن وزیر محمد شہباز شریف ءِ سروکی ءَ چار ءُ تپاسی دیوان برجم دارگ بوت۔ گند ءُ نند ءَ وفاقی وزیر احد خان چیمہ، عطا اللہ تارڑ، اسپیشل اسسٹنٹ ہارون اختر، چیف کوآرڈینیٹر مشرف زیدی ءُ ہمگرنچیں مزنیں حکام ءَ شریک بوتگ۔ مزن وزیر رسائی ءِ واستہ حکومتی تک ءَ گامگیج آنی یک جامع منصوبگ ءِ جوڑ کنگ ءِ ہدایت کنان ءَ آئی ءَ گوشت کہ وفاقی حکومت ءَ ھوار سرجمیں ملک ءَ ایجوکیشن بورڈ آنی ٹاپرز آناں الیکٹرک بائیک پجارینگ بیت۔ حکومت اولی ترجی ءِ بنیاد ءَ بے روزگاریں مردم آناں روزگار ءِ واستہ الیکٹرک رکشہ ءُ لوڈر پجاری کنت۔ آئی ءَ ہدایت کت کہ ملک ءَ الیکٹرک گاڑی آنی جوڑ کنگ ءُ رکھینگ ءِ واستہ سرجمیں ایکو سسٹم ءِ جوڑ کنگ ءِ واستہ گامگیج چست کنگ بہ بیت ءُ ایشی ءِ تہ ءَ الیکٹرک گاڑی آنی بھر ءُ بانگ ءِ سرجمیں میکانزم ءُ سرکاری کمک ءِ واستہ سیمی فریق ءِ توثیق کنگ بہ بیت۔ آئی ءَ حکومت ءَ را ہدایت کت کہ آ الیکٹرک گاڑی آنی دلبڈی ءَ بہ کنت ءُ سرکاری کمک ءِ منصوبگ ءَ اقتصادی رد ءَ نزوریں تبک ءَ گوں سیادی داروکیں مردماں اولیت بہ دنت ءُ الیکٹرک گاڑی آنی گرگ ءِ تہ ءَ سرکاری کمک ءِ اسکیم ءِ بابت ءَ الس ءَ را سرپدی ءِ مہم ءِ دیم ءَ برگ بہ بیت ءُ اے گپ ءَ را دل یکیمی کنگ بہ بیت الیکٹرک بائیک ءُ معیار پیلو کنگ بنت۔ گند ءُ نند ءَ ملک ءَ الیکٹرک گاڑی جوڑیشت ءِ ھوالگ ءَ صنعت ءِ استیں جاور ھال ءُ عام مردم ءِ رسائی ءِ واستہ حکومت ءِ کمکی گامگیج آنی بابت ءَ سرپدی دیگ بوت۔ گند ءُ نند ءَ گوشگ بوت کہ حکومت کم ھرچ ءُ آسانیں وام آنی وسیلگ ءَ الیکٹرک بائیک، رکشہ ءُ لوڈر آنی گرگ ءِ واستہ کمک ءِ واستہ گامگیج کنگ ءَ انت۔ یک لکھ ءَ چہ گیش الیکٹرک بائیک ءُ 3ہزار ءَ چہ گیش رکشہ ءُ لوڈر آسانیں شرط ءُ ضوابط ءِ سرا گرگ بوتگ انت۔ کم ھرچ ءَ بجلی ءِ گرگ ءَ الس ءَ را سرکاری کمک پجاری کنگ بیت۔ دیوان ءَ را سرپد کنگ بوت کہ اے منصوبگ ءِ رد ءَ سرجمیں ملک ءَ ایجوکیشنل بورڈ آنی تہ ءَ انٹرمیڈیٹ لیول ءِ تہ ءَ ہائی پرفارمنگ ءِ نودربر آناں مفت الیکٹرک بائیک پجاری کنگ بیت ایشی ءِ تہ ءَ فیڈرل بورڈ ھم ھوار اِنت۔ دیوان ءَ را ھال دیگ بوت کہ اے اسکیم ءِ تہ ءَ زالبول آنی واستہ 25درسد ھاسیں کوٹہ دارگ بوتگ وھدیکہ رند ءِ صوبگ آنی واستہ کوٹہ آبادی ءِ تناسب ءَ ایر کنگ بوتگ۔ مزن وزیر ئَ بلوچستان ئِ کوٹہ ئَ را 10درسد ئَ را گیش کنگ ئِ ہدایت کتگ۔ گند ءُ نند ءَ گوشگ بوت کہ اے سکیم ءِ برکت ءَ ملک ءَ 4 نوکیں بیٹری مینوفیکچرنگ کمپنی وتی کار بندات کنگ ءَ انت ایشی ءَ چہ پاکستان ءَ نوکیں کاروباری موہ ءُ روزگار رس ایت۔ مزن وزیر ءَ اسکیم ءِ زوت بندات کنگ ءَ را دل یکیمی کنگ ءِ ہدایت کتگ۔