مزن وزیر شہباز شریف ءِ گشگ انت کہ سول سروس ءَ را نوکیں ٹیکنالوجی ءُ سرکاری خدمت ءِ میان استمانی رہبندانی گوما ہمگرنچ کنگ لوٹیت

اسلام آباد۔18جولائی (اے پی پی): مزن وزیر محمد شہباز شریف ءَ سول سروس ءَ را گیش کارآمد جوڑ کنگ ءِ واستہ ایشی ءِ نوک کنگ ءِ ضلورت ءِ سر ءَ زور پر دات ءُ گوشت کہ سول سروس ءَ را نوکیں ٹیکنالوجی ءُ سرکاری ازمت ءِ میاں اوستمانی معیار آنی گوما ھمگرنچ کنگ ءِ ضلورت اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جمعہ ءِ روچ ءَ مزن وزیر محمد شہباز شریف ءِ سروکی ءَ سول سروس اصلاحات ءِ ھوالگ ءَ جائزہ دیوان برجم دارگ بوت۔ گند ءُ نند ءَ وفاقی وزیر ءِ منصوبہ بندی ءُ دیمروئی احسن اقبال، وفاقی وزیر اقتصادی امور ڈویژن احد خان چیمہ، وفاقی وزیر علی پرویز ملک ءُ ایندگر سیادی داروکیں حکومتی حکام ءَ شریک بوتگ۔ مزن وزیر ءَ گوشت کہ ملک ءِ سول سروس ءَ را نوکیں ٹیکنالوجی ءُ پبلک سروس ءِ میاں اوستمانی معیار آنی گوما یکجا کنگ ءِ ضلورت اِنت، ایشی ءِ نوکیں رنگ ءَ سول سروس ءَ را گیش کارکردگی جوڑ کنگ ءِ واستہ وھد ءِ ضلورت اِنت۔ آئی ءَ گوشت کہ سول سروس حکومت ءِ عملی کارکردگی ءُ جتا جتائیں وزارت ءُ محکمہ آنی تہ ءَ پالیسی آناں جوانیں رنگ ءَ عمل کنگ ءِ تہ کلیدی کرد ءَ پیلو کنت۔ یک جامع ءُ موثر حکمت عملی ءِ چیر دستی ءَ سول سروس ءِ نوک کنگ نوکیں حکومت ءِ اولی ترجی انت۔ مزن وزیر ءَ ہدایت کت کہ سول سروس ءِ انتظامی ءُ ادارگی اصلاحات ءِ تہا نمائندہ حکومتی افسر ءُ الس ءِ نمائندگ آنی ھیال ءُ لیکہ دل یکیمی کنگ بہ بنت۔ گند ءُ نند ءِ تہ ءَ منصوبگ بندی ءُ دیمروئی ءِ وفاقی وزیر پروفیسر احسن اقبال ءَ مزن وزیر ءَ را سول سروس ءِ پیش کرتگیں اصلاحات ءِ بابت ءَ سرپدی دات کہ ایشی ءِ تہ ءَ گوشگ بوت کہ سرکاری افسر آنی بھرتی، دیمروئی، تربیت ءُ استیں سول سروس ءِ صلاحیت آنی تہ ءَ گیشی ءِ انوگیں نظام ءَ گہتری ءِ واستہ مزنیں گنجائش است انت۔