سندھ مدرستہ اسلام یونیورسٹی ءِ ششمی کانووکیشن ءَ 376 گریجویٹاں ڈگری داتگ

کراچی۔ 17 جولائی (اے پی پی) : سندھ مدرستہ اسلام یونیورسٹی ءِ ششمی کانووکیشن پنچ شمبے ءِ روچ ءَ ھندی ہوٹل ءَ برجم دارگ بوت، ایشی ءِ تہ ءَ 376 گریجویٹ آناں ڈگری دیگ بوت۔ سندھ مدرستہ اسلام یونیورسٹی ءِ ششمی کانووکیشن ءَ گوں گشتانک دیان ءَ سندھ ءِ سر وزیر سید مراد علی شاہ ءَ گوشت کہ سندھ مدرستہ اسلام یونیورسٹی ایوک ءَ یک یونیورسٹی ءِ نہ اِنت۔ اے مئے راجی شان ءِ علامت اِنت کہ قائداعظم محمد علی جناح ءُ دگہ نامداریں مردمانی الما میٹر ھم اِنت۔ ایشی ءِ 140 سالی میراث کہ خان بہادر حسن علی افندی ءَ ایشی ءِ بُن ھشت ایر کتگ ات، انگت ءَ مارا وتی زانت، دلیری ءُ سرکاری ھزمت ءِ قدر ءُ قیمتاں گوں دلبڈی دیگ ءَ انت۔ سندھ ءِ بنجاہی وزیر ءَ گوشت کہ منی ھیال ءَ اے روچ ایس ایم آئی یو ءِ گریجویشن کنوکیں نودربر آنی واستہ یک مزنیں روچے ایشاں وتی وانگ ءُ زانگ ءِ ممکن جوڑ کنگ ءِ واستہ وتی ھون ءُ پسینہ داتگ۔ سندھ ءِ سر وزیر ءَ گریجویشن کنوکیں نودربر آناں گوشت کہ اے شمئے روچ اِنت مارا ڈاکٹر مجیب سہرائی ءِ سروکی ءَ اے یونیورسٹی ءِ وشیں پیشرفت ءَ را منگی اِنت۔ بنجاھی وزیر ءَ گوشت کہ اے راستی ءَ سک باز ارزشتی اِنت کہ اے یونیورسٹی پاکستان ءِ کمیں کوالٹی یونیورسٹی آنی تہ ءَ ھوار بوھگ ءِ گوما ھما کمیں یونیورسٹی آنی تہ ءَ ھوار بوتگ کہ مالی خسارہ ءَ چہ دراتکگ ءُ سرپلس ءَ سر بوتگ ھاسیں رنگ ءَ مہنگائی ءِ اے دور ءُ باریگ ءَ ۔ وائس چانسلر، فیکلٹی، اسٹاف ءُ ایس ایم آئی یو ءِ اولی پی ایچ ڈی ڈاکٹر عبداللہ ایوب خان ءَ را مبارکی دیان ءَ سید مراد علی شاہ ءَ گوشت کہ ڈاکٹر مجیب سہرائی ءِ شیئر ءِ رد ءَ ایس ایم آئی یونیورسٹی ءَ وتی پوسٹ گریجویٹ پروگرام آناں وشھال کتگ ءُ وتی ڈگری ءِ گرگ ءِ تہ ءَ درستیں معیار ءُ لوٹ آناں پیلو کتگ کہ ایشی ءِ تہ ءَ پی ایچ ڈی ءِ ھاتر ءَ پی ایچ ڈی ءِ ھاتر ءَ المی اِنت۔ آئی ءَ گیش گوشت کہ سرکاری ءُ نجی دوئیں یونیورسٹی آناں پی ایچ ڈی ءِ ڈگری دیگ ءِ وھد ءَ مزنیں کچ ءُ کساس ءِ برجائی کنگ لوٹ ایت۔ پی ایچ ڈی نہ ایوک ءَ اسکالر ءِ صلاحیت ءِ عکاسی کنت بلکیں ایوارڈ دیوکیں ادارہ ءِ اکیڈمک سالمیت ءِ ہم عکاسی کنت، جوہر ءَ، معیاری پی ایچ ڈی پروگرام معیاری ادارہ ءِ نشان انت، ءُ ہائیر ایجوکیشن ءِ ہر سطح ءَ مہارت ءِ اے عزم ءَ را مدام پیش دارگ بہ بیت۔ سر وزیر سندھ ءَ گریجویشن کنوکیں نودربر آناں گوں تران کنان ءَ گوشت کہ مرچی شمئے زندمان ءِ یک باب ءِ آسر اِنت ءُ دومی باب ءِ بندات اِنت۔ ھما وھد ءَ کہ شما دیم ءَ رو اِت، کار ءِ تہ ءَ بہ بیت، گیشتریں وانگ ءِ تہ ءَ بہ بیت، کاروباری ءِ تہ ءَ بہ بیت یا سرکاری ھزمت ءِ تہ ءَ بہ بیت، ھما ارزشت ءُ وانگ ءُ زانگ ءَ کہ شما ادا زرتگ اَنت گوں وت ءَ بُرو اِت۔ تئی سوبمندی سندھ ءِ سوبمندی انت ءُ تئی واب پاکستان ءِ واھشت انت۔ ایجوکیشن سٹی ءَ جوڑ بوھوکیں ایس ایم آئی یو ءِ نوکیں کیمپس ءِ ذکر کنان ءَ سید مراد علی شاہ ءَ گوشت کہ اے گپ دل ءَ وش کنت کہ ایس ایم آئی یونیورسٹی ملیر ءَ وتی نوکیں کیمپس ءِ بندات کنگ ءِ نزیک ءَ اِنت کہ سندھ حکومت ءِ نیمگ ءَ چہ داتگیں 100 ایکڑ زمین ءِ سر ءَ اِنت۔ اے دیمروئی نہ ایوک ءَ کوالٹی ءِ ہائیر ایجوکیشن ءِ رسائی ءَ را گیش کنگ ءِ نیمگ ءَ یک مزنیں گامگیج اِنت بلکیں روزگار ءِ موہ پیداک کنگ ءَ چہ دمگی چاگرد ءِ چاگردی ءُ اقتصادی دیمروئی ءَ ھم کمک رسیت۔ آئی ءَ گوشت کہ اے رنگیں گامگیج ھاسیں رنگ ءَ سندھ ءَ اینڈ سرجمی ءَ پاکستان ءِ دیمروئی ءَ را دیم ءَ برگ ءَ مزنیں کردے پیلو کن اَنت۔ سید مراد علی شاہ ءَ گوشت کہ بیا اِت ما درست یکجائی ءَ دیمروئی پسند، ھواریں ءُ زانشت ءِ سر ءَ کار کنوکیں صوبگ سندھ ءُ پاکستان ءِ جوڑ کنگ ءِ واستہ کار بہ کن ایں، ھما جاہ ءَ کہ موہ وشھال بہ بنت ءُ آیوکیں نسل ھمت ءُ وژن ءِ گوما دیم ءَ بہ رو اَنت۔ گڈسرا آئی ءَ وائس چانسلر ڈاکٹر مجیب سہرائی ءِ سروکی ءَ فیکلٹی ءُ اسٹاف ءِ کوشست آناں ساڑات کہ آہاں اے کانووکیشن ءَ را سوبمند کتگ۔
سر وزیر سندھ ءَ اے راجدپتری سندھ مدرستہ اسلام یونیورسٹی ءَ را مھکم کنگ ءِ واستہ سندھ حکومت ءِ نیمگ ءَ سرجمیں کمک ءِ یقین ھم دات۔

گورنر سندھ محمد کامران ٹیسوری ءَ گوشت کہ سندھ مدرستہ اسلام یونیورسٹی یک راجدپتری ادارگ یے، چہ ایشی ءَ وانگ ءِ شرف ءِ گپ اِنت، پرچا کہ اے پاکستان ءِ بانی قائداعظم محمد علی جناح ءِ الما میٹر اِنت۔ پنچ شمبے ءِ روچ ءَ یک دمگے ءَ سندھ مدرستہ اسلام یونیورسٹی ءِ ششمی کانووکیشن ءَ گوں گشتانک دیان ءَ آئی ءَ گوشت کہ اے ورنا آئیڈیل پاکستان ءِ جوڑ کن اَنت کہ قائداعظم محمد علی جناح ءِ آئیڈیل پاکستان بوتگ۔ آئی ءَ گوشت کہ سندھ مدرستہ اسلام یونیورسٹی ءَ وانگ ءُ زانگ ءِ کوالٹی ءِ سبب ءَ جتاھیں پجار رستگ۔ آئی ءَ گوشت کہ ایوک ءَ کوالٹی ءِ وانگ ءُ زانگ ءَ چہ انچیں ورنا پیداک بیت کنت کہ آ وتی ملک ءِ جوانیں ھزمت ءَ کت کن اَنت ءُ مارا اے گپ ءِ سر ءَ دل یکیمی اِنت کہ سندھ مدرستہ اسلام یونیورسٹی ءَ چہ گریجویشن کنوکیں نودربر اے کرد ءَ پیلو کن اَنت۔ گورنر سندھ ءَ ڈگری زرتگیں نودربر ءُ آوانی مات ءُ پت آناں مبارک بات دات ءُ سندھ مدرستہ اسلام یونیورسٹی ءِ وائس چانسلر، فیکلٹی ءُ کارندہ آناں سوبمندیں کانووکیشن ءِ برجائی ءِ سر ءَ مبارک بات دات۔ وائس چانسلر ڈاکٹر مجیب سہرائی ءَ گوشت کہ مرچی اولی پی ایچ ڈی ءِ ڈگری ءِ دیئگ ءَ گوں مئے واب پیلو بوتگ۔ ایشی ءَ ابید 10 ءِ کساس ءَ پوسٹ گریجویٹ نودربر وتی پی ایچ ڈی ءِ سرجم کنگ ءِ گڈی پڑ ءَ اَنت۔ ڈاکٹر مجیب سہرائی ءَ گوشت کہ گوستگیں دو سال آنی تہ ءَ ایس ایم آئی یو ءَ را ڈیفیسٹ بجٹ ادارگ ءَ چہ سرپلس ادارگ ءَ آرگ بوتگ۔ آئی ءَ عمومی رنگ ءَ سندھ حکومت ءِ جوانیں کرد ءُ ھاسیں رنگ ءَ بنجاھی وزیر سید مراد علی شاہ ءِ عزم، وژن ءُ کمک ءِ توسیپ کت کہ آئی ءَ مدام سندھ مدرسہ یونیورسٹی ءِ کمک کتگ۔ ڈاکٹر مجیب سہرائی ءَ ڈگری زرتگیں درستیں نودربراں مبارک بات دات ءُ امیت کت کہ آ وتی مہارت ءُ راجی جزبگ ءَ گوں ملک ءُ راج ءِ ازمت ءَ کن انت۔ آئی ءَ گریجویشن کنوکیں نودربر آنی مات ءُ پت آناں وتی واب آنی پیلو کنگ ءِ سر ءَ ھم مبارکی دات کہ آھانی زھگ / جنک ءَ اے راجدپتری ادارگ ءَ چہ ہائیر ایجوکیشن سرجم کتگ۔ کانووکیشن ءِ تہ ءَ سندھ ءِ گورنر محمد کامران ٹیسوری ءُ سندھ ءِ سر وزیر سید مراد علی شاہ ءَ گوں سندھ مدرستہ اسلام یونیورسٹی ءِ وائس چانسلر ڈاکٹر مجیب سہرائی ، ایچ ای سی ءِ چیئرمین ڈاکٹر طارق رفیع ءُ سی آئی ای سی ءِ چیئرمین ڈاکٹر سروش ہاشمت لودھی ءَ چہ 30 ءِ گریجویشن داتگ اَنت۔

سندھ مدرستہ اسلام یونیورسٹی. ایشاں 27 بی ایس، ایم ایس ءُ پی ایچ ڈی ءِ گریجویٹ آناں 3 گولڈ میڈل، 10 سلور میڈل ءُ 14 برونز میڈل ھم بھر ءُ بانگ کتگ۔ طلائی تمغہ ءِ زرتگیں مردمانی تہ ءَ یسرا (فیکلٹی آف مینجمنٹ، بزنس ایڈمنسٹریشن اینڈ کامرس)، صدف خالد (فیکلٹی آف سوشل سائنسز) ءُ ڈاکٹر عبداللہ ایوب خان(سندھ مدرستہ ہ الاسلام یونیورسٹی ءِ اولی پی ایچ ڈی) ھوار انت۔ ۔ چاندی داد در جنوک آنی تہ ءَ ماہنور فاطمہ (فیکلٹی آف ایجوکیشن)، محمد احمد انصاری (فیکلٹی آف انفارمیشن ٹیکنالوجی)، یسرا (فیکلٹی آف مینجمنٹ، بزنس ایڈمنسٹریشن اینڈ کامرس)، اعزاز احمد (فیکلٹی آف سائنسز)، ندا اکرم (فیکلٹی آف سوشل سائنسز)، آمنہ لاکھانی (فیکلٹی آف لینگئیج اینڈ کلچر)، وردہ منظور (فیکلٹی آف انفارمیشن ٹیکنالوجی)، ایمن (فیکلٹی آف مینجمنٹ، بزنس ایڈمنسٹریشن اینڈ کامرس)، دعا صدیقی (فیکلٹی آف سائنسز) ءُ صدف خالد (فیکلٹی آف سوشل سائنسز) ھوار اتنت ۔ ھمے رنگ ءَ پیتل ءِ داد گروک آنی تہ ءَ ماہنور فاطمہ (بیچلر آف ایجوکیشن)، محمد احمد انصاری (بی ایس آرٹیفیشل انٹیلی جنس)، نازیہ بی بی (بی ایس کمپیوٹر سائنس)،

حنان احمد ملک (بی ایس سافٹ ویئر انجینئرنگ)، یسرا (بیچلر آف بزنس ایڈمنسٹریشن)، اعزاز احمد (بی ایس انوائرنمنٹل سائنسز)، ندا اکرم (بی ایس میڈیا اسٹڈیز)، آمنہ لاکھانی (بی ایس انگلش)، وردہ منظور (بی ایس آرٹیفیشل انٹیلی جنس)، اسنا کریم (بی ایس کمپیوٹر سائنس)، ایمن (بیچلر آف بزنس ایڈمنسٹریشن)، دعا صدیقی (بی ایس انوائرمنٹل سائنسز)، امینہ اکبر (بی ایس ڈیولپمنٹ اسٹڈیز) ءُ صدف خالد (بی ایس میڈیا اسٹڈیز) داد کٹ ات۔ وشیں ھبر ایش انت کہ زالبولیں گریجویٹس آں مردین آدمیں گریجویٹس آنی مقابلہ ءَ گیش میڈلز در جت۔ فیکلٹی آف مینجمنٹ، بزنس ایڈمنسٹریشن اینڈ کامرس ءِ بانک یسرا ءُ فیکلٹی آف سوشل سائنسز ءِ بانک صدف خالد ءَ سئیں نمونگ ءِ داد سہر ، چاندی ءُ پیتل ءِ داد در جت، اے موہ ءَ ایس ایم آئی یو ءِ وائس چانسلر ڈاکٹر مجیب سہرائی ءَ گورنر سندھ محمد کامران ٹیسوری، سر وزیر سندھ سید مراد علی شاہ، سندھ ایچ ای سی ءِ چیئرمین پروفیسر ڈاکٹر طارق رفیع، چارٹر انسپیکشن اینڈ ایویلیوایشن کمیٹی ءِ چیئرمین ڈاکٹر سروش حشمت لودھی، سیکریٹری یونیورسٹیز اینڈ بورڈز محمد عباس بلوچ، کراچی ءَ ترکیہ ءِ نامینتگیں قونصل جنرل جمال سانگو، ءُ بنجاھی انشورنس محتسب سید ممتاز علی شاہ ءَ را شیلڈ پیش کنگ بوت۔ وھدیکہ سر وزیر سندھ ءَ ایس ایم آئی یو ءِ وائس چانسلر ڈاکٹر مجیب سہرائی ءَر ا سوینئر دات۔