بنجاھی وزیر اطلاعات ءُ نشریات عطا اللہ تارڑ ءَ 41می ایس ٹی پی ءِ پاسنگ آؤٹ مراگش ءَ بہر زرتگ، اطلاعات گروپ ءِ اپسرگ آنی نیام ءَ سرٹیفکیٹ ءِ بھر ءُ بانگ

اسلام آباد۔17جولائی (اے پی پی): پنچ شمبے ءِ روچ ءَ انفارمیشن سروسز اکیڈمی ءَ برجم داشتگیں اسپیشلائزڈ ٹریننگ پروگرام ءِ 41می پاسنگ آؤٹ مراگش ءِ ساھت ءَ بنجاھی وزیر ءِ اھوالکاری ءُ شنگکاری عطا اللہ تارڑ ءَ اھوالکاری گروپ ءِ اپسرگ آنی نیام ءَ سرٹیفکیٹ بھر ءُ بانگ کت۔ اے موہ ءِ سر ءَ بنجاھی وزیر ءَ اپسرگ آناں تربیت ءِ سرجمی ءِ سر ءَ مبارک بات دات ءُ راجی سیادی ءِ جوڑیشت ءُ راجی ادارگ آناں مھکم کنگ ءِ تہ پیشہ وارانہ رابطہ کار آنی ھاسیں کرد ءِ سر ءَ زور پر دات۔ مراگش ءِ بندات ءَ ڈائریکٹر جنرل انفارمیشن سروسز اکیڈمی عمرانا وزیر ءَ وش آتکی گشتانک دات ءُ گوشت کہ ھاسیں تربیت ءِ راجی دیمروئی ءِ سرا بے حسابیں اثر انت۔ آئی ءَ گوشت کہ نوکیں کمیونیکیشن ایوک ءَ یک وسیلگ ءِ نہ اِنت بلکینگ ءَ جوانیں گورننس ءُ سرکاری ازمت ءِ پجاری ءِ واستہ المی اِنت۔ آئی ءَ گوشت کہ اے تربیتی پروگرام انفارمیشن سسٹم ءِ ھما وھد ءِ لوٹ آنی رد ءَ اپسرگ آناں اسٹریٹجک کمیونیکیشن ءِ مہارت آنی گوما لیس کنگ ءِ واستہ جوڑ کنگ بیت۔ آئی ءَ گوشت کہ شریکیں مردم آناں ایسوسی ایٹڈ پریس آف پاکستان، ڈائریکٹوریٹ آف الیکٹرانک میڈیا اینڈ پبلکیشنز، پاکستان ٹیلی ویژن، پاکستان براڈکاسٹنگ کارپوریشن ءُ سائبر ونگ ءِ وڑیں ھاسیں راجی زانتکاری ادارگ آنی تر ءُ تاب ءَ برگ بوتگ تانکہ سرکاری میڈیا ءِ بابت ءَ عملی ءُ جوانیں سرپدی رسگ بہ بیت۔ آئی ءَ گیش گوشت کہ اپسرگ آناں ڈیجیٹل میڈیا ءِ حکمت عملی، ردیں ھال آنی ھلاپ ءَ جنگ، بحران ءِ رابطہ ءُ شواہد ءِ سر ءَ بنیات ءِ سر ءَ پیغام رسانی ءِ وسیلگ ءَ راجی یکوئی ءِ دیمروئی ءِ سر ءَ ھم تربیت دیگ بوتگ۔ ٹریننگ کوآرڈینیٹر رابعہ حبیب ءَ تربیت ءِ پروگرام ءِ ھاسیں ءُ وانگ ءُ زانگ ءِ تک ءُ پہنات آنی بابت ءَ سرجمیں بریفنگ داتگ ءُ استاد آنی ھاسیں رنگ ءَ اسسٹنٹ پروفیسر جنید غوری ءِ ھزمت آناں ساڑاتگ۔ مراگش ءِ ساھت ءَ سرٹیفکیٹ دیگ بوتگیں اپسرگ آنی تہ ءَ سیدہ حفصہ اعجاز، سعیدہ شکیل اعوان، یمنہ رحمن مجتبیٰ، مینا عالم، نور مہد شیخ، شاہ فیصل، محمد کامران، پاکیزہ صدیق، محمد ابراہیم، ذوالفقار علی اور جنید احمد ھوار اَنت۔