مزن وزیر شہباز شریف ءَ نیشنل ایمرجنسی آپریشن سینٹر اسلام آباد ءِ تر ءُ تاب کتگ، آیوکیں سال آنی تہ ءَ مون سون ءُ کلاؤڈ برسٹ ءَ چہ پیداکیں ھرچ وڑیں ممکنہ جاور ھال آنی گوما گر ءُ چیل بوھگ ءِ واستہ ترندیں گامگیج چست کنگ ءِ پنت ءُ شون

اسلام آباد۔17جولائی (اے پی پی): مزن وزیر محمد شہباز شریف ءَ آیوکیں سال آنی تہ ءَ مون سون ءُ کلاؤڈ برسٹ ءِ سبب ءَ پیداک بوھوکیں ھرچ وڑیں ممکنہ جاور ھال آنی گوما گر ءُ چیل بوھگ ءِ واستہ ترندیں گامگیج زورگ ءِ پنت ءُ شون کتگ ءُ گوشت کہ بنجاھی حکومت اے درگت ءَ ھرچ وڑیں کمک ءِ وسیلگ ءَ کمک کنت، این ڈی ایم اے ءَ را صوبگ آنی گوما کار کنگی اِنت تانکہ وزارت ءِ تہ ءَ یک ھمگرنچیں منصوبگ جوڑ کنگ بہ بیت۔ اے درگت ءَ کمک ءِ پجارینگ بہ بیت، صوبہ انوگیں مون سون ءِ وھد ءَ صبر ءُ اوپار ءِ گوما جاور ھال ءَ گوں دیم پہ دیم بوھگ ءَ اَنت، ایشی ءَ چہ جانی تاوان کم بوتگ، البت آئی ءَ جانی تاوان ءِ سر ءَ اپسوز ءِ درشانی کتگ کہ بوتگ۔ پنچ شمبے ءِ روچ ءَ مزن وزیر محمد شہباز شریف ءَ نیشنل ایمرجنسی آپریشن سینٹر اسلام آباد ءِ تر ءُ تاب کتگ۔ اے موہ ءِ سر ءَ مزن وزیر ءَ را استیں مون سون ءِ ھور ءُ سیلاب ءِ جاور ھال آنی بابت ءَ سرپد کنگ بوت۔ اے موہ ءِ سر ءَ وتی منت واری ءِ درشان کنان ءَ مزن وزیر ءَ گوشت کہ گوستگیں لھتیں ھپتگ آنی تہ ءَ این ڈی ایم اے ءِ اے آئی ءِ گوما دومی تر ءُ تاب اِنت، این ڈی ایم اے ءِ تہ ءَ نوکیں ٹیکنالوجی ءُ لائکیں انسانی وسائل آناں گندگ ءَ چہ وشیں گپ اِنت۔ مزن وزیر ءَ گوشت کہ گوستگیں روچ آنی تہ ءَ جمبر ءِ پُرشگ بوتگ ایشی ءِ سبب ءَ ما یک غیر معمولی جاور ھال ءِ آماچ آں، چکوال، لاہور، راولپنڈی ءُ دگہ شہر آنی تہ ءَ ھور بوتگ، ھدا ءِ شکر انت کہ جنوبی پنجاب ءِ ایندگہ دمگ آنی تہ ءَ ھور سک نہ انت۔ آئی ءَ گوشت کہ این ڈی ایم اے ءِ پی ڈی ایم اے آنی گوما ھمگرنچی وش اتک کنگ بیت، سر وزیر مریم نواز ءِ سروکی ءَ پنجاب حکومت ءُ ایندگر صوبائی حکومت آنی نیمگ ءَ مون سون ءِ غیر معمولی جاور ھال آنی گوما گر ءُ چیل بوھگ ءِ واستہ جوانیں بندوبست کنگ بوتگ، ایشی ءِ آسر ءَ تاوان کم بوتگ۔ البت ما جنات فردوس ءِ بُرزتریں جاہ ءِ دعا ءَ کنیں پہ ھمایاں کہ جان ندر کتگ ءُ ٹپیانی زوت وش بوھگ ءِ دعا لوٹیں ۔ آئی ءَ گوشت کہ چوش کہ بریفنگ ءَ گوشگ بوتگ کہ آیوکیں سال آنی تہ ءَ کلاؤڈ برسٹ گیش بنت، ایشی ءَ گوں گر ءُ چیل بوھگ ءِ واستہ نوں گامگیج کنگ بہ بیت۔ بنجاھی حکومت ءُ این ڈی ایم اے ءِ نیام ءَ صوبہ آنی نیام ءَ نزیکیں ہمگرنچی ءِ ھست بہ بیت۔ ایشی ءِ ھاتر ءَ این ڈی ایم اے آئی ءَ را لوٹوکیں گیشیں سامان ءِ دات کنت۔ استان وتی وس ءَ انسانی منابع، ٹیکنالوجی، ریسکیو ءُ اصلاحات ءِ تہ ءَ ھم سرمایہ کاری کن اَنت۔ مزن وزیر ءَ گوشت کہ وزارت موسمی مٹ ءُ بدلی ءُ وزارت منصوبگ بندی ءُ دیمروئی ءَ را این ڈی ایم اے ءُ صوبگ آنی گوما یکجائی ءَ آیوکیں سال ءِ واستہ سرجمیں منصوبگ جوڑ کنگ ءِ واستہ کار کنگ لوٹ ایت۔ مزن وزیر ءَ گوشت کہ بد بھتی ءَ پاکستان ھما ملک آنی تہ ءَ ھوار اِنت کہ آھاں جوہ ءِ تہ ءَ کشگ ءَ گوں ھچ وڑیں سیادی نیست، پدا ھم ما مرچی ایشی ءَ چہ آماچیں ٹاپ 5 ملک آنی تہ ءَ ھوار ایں۔ مزن وزیر ءَ گوشت کہ اے مئے واستہ ھم اللہ تعالیٰ ءِ نیمگ ءَ یک لچکداریں راج جوڑ بوھگ ءِ موہ اِنت، کشت ءُ کشار ءُ ایندگر شوبگ آنی انفراسٹرکچر ءَ را گیش کنگ بہ بیت۔ مزن وزیر ئَ گوشت کہ جوانیں کار ئِ واستہ این ڈی ایم اے ئُُ صوبگ آنی نیام ئَ کمک جاری اِنت۔ مزن وزیر ءَ گوشت کہ اے سال ءِ تجربگ ءِ چار ءُ تپاسی ءَ پد آیوکیں سال ءِ واستہ صوبگ آنی گوما یک جامع منصوبگ جوڑ کنگ بہ بیت، منصوبگ بندی ءِ وزارت ءُ موسمیاتی بدلی ءِ وزارت ءَ ھمگرنچیں ادارگ آنی گوما نندگ ءُ اے درگت ءَ یک ھمگرنچیں منصوبگ ءِ جوڑ کنگ بہ بیت تانکہ چوش کہ پیش گوئی کنگ بوھگ ءَ اِنت کہ آیوکیں وھد ءَ ایشی ءِ شدت ءَ گیش کنگ بہ بیت۔ اے جاور ءِ تہ ءَ تاوان ءَ کم چہ کم بہ کن اِت۔ آئی ءَ بنجاھی وزیر برائے اھوالکاری ءُ نشریات ءِ کرد ءِ سر ءَ منت گپت ءُ پنت ءُ شون کت کہ ایشی ءَ را گیش مھکم کنگ بہ بیت ءُ وھد ءِ سر ءَ سرپدی مہم ءِ وسیلگ ءَ الس ءَ را ایشی ءِ حساسیت ءَ را سرپد کنگ بہ بیت۔ ایشی ءِ ھاتر ءَ چاگردی، الیکٹرانک ءُ پرنٹ ءِ پڑ جوانیں کار کنگ ءَ انت ءُ اے کار ءَ را گیش دیم ءَ برگ بہ بیت۔ ایشی ءَ چہ پیسر این ڈی ایم اے ءِ چیئرمین لیفٹیننٹ جنرل انعم ہدر ءَ مزن وزیر ءَ را سرپد کت ءُ گوشت کہ اے سال ءَ مون سون ءِ سرجمیں شدت گوستگیں سال ءَ چہ 60 ءَ چہ 70درسد گیش اِنت۔ اے سال ءَ چہ دو تاں سئے ٹن ھور ءِ تہ ءَ گیشی بوتگ۔ انوگ ءَ تاں 178 انسانی جان گار بوتگ ءُ 500 ٹپی بوتگ انت۔ اے رندی ایشی ءِ شدت پنجاب ءِ نزیکیں دمگاں، پنجاب ءُ اسلام آباد ءَ گوں ھمگرنچیں دمگاں ءُ آزاد جموں ءُ کشمیر ءَ گیشتر اِنت۔ مزن وزیر ءَ را سرپدی دیگ بیت کہ اے ڈیٹا صوبائی ڈیزاسٹر مینجمنٹ اتھارٹی ءِ گوما روچ پہ روچ شیئر کنگ بوھگ ءَ انت، آرمی، ریسکیو 1122، چیف سیکرٹری آنی کارگس، آبپاشی ءِ آپ ءُ بجلی ءِ ھوالگ ءَ کارندہ جہاز ءِ سر ءَ انت، ءُ آزاد ءُ پنجاب ءِ شمالی دمگ آزات ءِ جہاز ءِ سر ءَ انت۔ ہفت روچ ءَ آیگ ءَ اِنت۔ مزن وزیر ءَ را سرپد کنگ بیت کہ تاں انوگ ءَ مون سون اتکگ، وھدیکہ چارمی مون سون 21جولائی ءَ بگر داں 28 جولائی ءَ، پنچمی اگست ءِ اولی ہفتگ ءَ، ششمی دومی ہفتگ ءَ ءُ سیمی ہفتگ ءَ ہپتمی مون سون ءِ گمان انت۔ آئی ءَ گوشت کہ آماچیں دمگ آنی تہ ءَ اے وھد ءَ آپ اوشتاتگ ءُ دراہیں امیت ءِ کمکی سامان پجاری کنگ بوھگ ءَ انت۔ آئی ءَ گوشت کہ مرچی شپ راولپنڈی ءُ اسلام آباد ءَ ھور ءِ گمان انت۔