پاکستان ءِ تہ ءَ ھندی مداخلت بند کنگ بہ بیت، ملک ءَ غزہ ءُ مقبوضہ کشمیر ءَ انسانی ھک لگتمالی ءِ نوٹس زورگ بہ بیت۔ بنجاھی وزیر رانا قاسم نون ءِ پریس کانفرنس

لاہور۔ 17 جولائی (اے پی پی): بنجاھی وزیر ءُ کشمیر کمیشن ءِ چیئرمین رانا قاسم نون ءَ گشتگ پاکستان بلوچستان ءِ تہا ھاسیں رنگ ءَ صوبہ فتنہ الهندستان ءَ آشوب پیداک کنگ ءَ انت۔ بلوچستان ءِ انوگیں ناشرکاری ءِ زمہ وار ھندوستان ءُ مودی سرکار انت۔ ملتان پریس کلب ءَ میڈیا ءَ گوں تران کنان ءَ بنجاھی وزیر ءَ گوشت کہ بلوچستان ءَ مئے بے میاریں مردم شھید کنگ بوھگ ءَ انت ایشی ءِ زمہ وار مودی سرکار انت۔ اے مداخلت ءَ را زوت بند کنگ بہ بیت۔ کشمیری راجی کانفرنس ءِ چیئرمین رانا قاسم نون ءَ گوشت کہ مقبوضہ کشمیر ءُ غزہ ءَ انسانی ھک آنی لگتمالی ءَ سرجمیں دگنیا نوٹس بہ زوریت۔ ہندوستان اے گپ ءَ بہ زانت کہ کشمیر پاکستان ءِ بہر اِنت ءُ مانیت۔ پاکستان کشمیر ءِ ھاتر ءَ ناسرجم اِنت ۔ کشمیر ءِ جیڈھ نوں ایوک ءَ پاکستان ءُ بھارت ءِ نیام ءَ نہ اِنت بلکیں نوں اے یک میاں اوستمانی جیڈھے کہ ایشی ءَ را اقوام متحدہ ءِ قرارداد آنی رد ءَ گیش ءُ گیوار کنگ بہ بیت۔ رانا قاسم نون ءَ کشمیری حریات راہشوناں شگر ءُ منت گپت ءُ گشتگ کہ آہانی قربانی کدی بے سوب نہ بنت۔ کلیں راج صدیق شبرت احمد شاہ، یانوت ملک، صدیق علی گلانی ءُ اے دگہ سروکانی آجوئی ءِ جہد ءَ سلام انت۔ پہلگام ءِ وئیل ءِ بابت ءَ گپ جنان ءَ رانا قاسم نون ءَ گشتگ کہ پاکستان ءَ ایشی ءِ بے رھبندیں پٹ ءُ پول ءِ وعدہ کتگ بلے بھارت ءَ ضد ءِ درشان کتگ ءُ جنگ ءَ را ترجیح داتگ۔ کہ آئی ءِ تہا مودی ءَ را ہار داتگ ات۔ اے مزنیں سوب مندی ءِ واستہ سرجمیں پاکستانی راج ءُ دگنیا ءَ مزن وزیر شہباز شریف، فیلڈ مارشل جنرل عاصم منیر ءُ پاکستانی سلاھ بندیں اُرد ءَ را شگر ءُ منت گپت۔ یک جست ءِ پسو ءَ بنجاھی وزیر ءَ گوشت کہ سول ءُ ملٹری سروکی یکیں پیج ءِ سر ءَ انت۔ سرکار مہلوک ءِ جیڑہانی گیش ءُ گیوار ءِ واستہ شپ ءُ روچ کار کنگ ءَ انت۔ آئی ایم ایف ءِ جاور ھال آنی رد ءَ افراط زر ءَ را کم کنگ بوھگ ءَ انت۔ جنوبی پنجاب ءِ زبھری ءِ بابت ءَ آئی ءَ گشتگ کہ ما ادا ءِ جیڑہانی ھاتر ءَ مدام توار چست کتگ ۔ اگاں یک استانے جوڑ کنگ بہ بیت دگہ استان ہم جوڑ کنگی انت۔ جنوبی پنجاب ءِ مستریں جیڑہ ادا گریبی ءُ پد منتگی ءِ ہلاس کنگ انت کہ ایشی ءِ ہاترا جہد ءُ کوشست برجاہ انت۔ رانا قاسم نون ءَ گوشت کہ ادا ءِ کشاردار آنی جیڑہ آنی بابت ءَ ھم سرپد آں۔ کہ ایشی ءِ مستریں سبب موسمیاتی بدلی اِنت۔ حکومت اے درگت ءَ گامگیج زورگ ءَ اِنت، پرچا کہ بید ءِ کشت ءُ کشاری دیمروئی ءَ ما دیم ءَ شُت نہ کنیں۔ پریس کانفرنس ءَ مسلم لیگ نون ضلع ءِ صدر بلال بٹ،جنرل سیکریٹری اطہرممتاز ، بنجاہی رہشون ءُ کارندہ ہم ساڑی اتنت۔