گلگت بلتستان، آزاد کشمیر ءُ سرجمیں صوبگ آنی تہ ءَ وانگ ءُ زانگ ءِ وانگ جاہ دانش اسکول وڑیں ادارگ آنی جوڑ کنگ حکومت ءِ اولی ترجی اِنت

اسلام آباد۔17جولائی (اے پی پی): مزن وزیر محمد شہباز شریف ءَ گوشت کہ گلگت بلتستان، آزات کشمیر ءُ توامیں صوبگ آنی تہ ءَ وانگ ءُ زانگ ءِ وانگ جاہ جوڑ کنگ حکومت ءِ اولی ترجی انت۔ یک شفاف ءُ جامع سیمی فریق ءِ ارزیابی ءِ دیمروئی ءِ منصوبہ آں ، ھاسیں رنگ ءَ پاکیں آپ ، بجلی ، رابطہ ، وانگ ءُ زانگ ءِ منصوبہ آنی تہ ءَ کنگ بہ بیت ءُ دیریں منصوبہ آنی زوت سرجمی ءِ واستہ گامگیج زورگ بہ بنت۔ آئی ءَ اے ھیالانی درشانی پنچ شمبے ءِ روچ ءَ رواں مالی سال ءِ دیمروئی منصوبگ آنی ھوالگ ءَ چار ءُ تپاسی دیوان ءِ سروکی ءَ کنان ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ بنجاھی وزیر دیمروئی ءُ منصوبگ بندی ڈاکٹر احسن اقبال، بنجاھی وزیر اقتصادی امور احد خان چیمہ، بنجاھی وزیر ءِ اھوالکاری ءُ نشریات عطا اللہ تارڑ ءُ آئین ءِ مزنیں اپسرگ آں بھر زوری کتگ۔ مزن وزیر ءَ را رواں مالی سال ءَ سرجم بوتگیں دیمروئی منصوبگ ءُ برجاھیں منصوبگ آنی ھوالگ ءَ سرپد کنگ بوت۔ مزن وزیر ءَ را گوشگ بیت کہ سرجمیں ملک ءَ کمیونیکیشن، آئی ٹی، آپی وسیلگ، بجلی، تربیتی مراگش، ہسپتال ءُ ایندگر ءِ پڑ ءَ بازیں منصوبگ سرجم کنگ بوتگ انت ءُ نوکیں منصوبگ آنی سر ءَ کار زوال ءَ انت۔ مزن وزیر ءَ ہدایت کت کہ سرجم ءُ نزیک ءَ سرجم بوتگیں منصوبگ آنی تہ ءَ مزنیں معیار ءَ را دل یکیمی کنگ ءِ واستہ تھرڈ پارٹی ویریفکیشن کنگ بہ بیت، مرکزیت ءَ را دل یکیمی کنگ ءِ وھد ءَ توامیں منصوبگ آنی تہ ءَ سرکاری آسراتی پجاری کنگ بہ بنت ءُ دیر بوتگیں منصوبگ آناں زوتاں چہ زوت سرجم کنگ بہ بیت۔ مزن وزیر ئَ گوشت کہ بنجاھی حکومت ئِ نیمگ ئَ گلگت بلتستان، آزاد کشمیر ئُُ توامیں صوبگ آنی تہ ئَ ایجوکیشنل اسکول آنی جوڑ کنگ حکومت ئِ اولی ترجی ئِ تہ ئَ ھوار اِنت۔ تربیت ءِ مراکز رواں مالی سال ءِ دیمروئی منصوبگ آنی یک سکیں ھاسیں بہرے کہ ایشی ءِ مول ءُ مراد دنیا ءِ اقتصادی لحاظ ءَ نزوریں دمگ آنی زھگ آنی وانگ ءُ زانگ ءِ موہ ءُ برابریں دیمروئی ءِ ھاترا موہ دیگ اِنت۔ مزن وزیر ئَ گوشت کہ آپی وسیلگ راجی سلامتی ئِ محور اَنت ایشی ئِ واستہ بازیں منصوبگ جوڑ کنگ ئَ اَنت۔ آئی ءَ گوشت کہ کراچی ءُ اسلام آباد ءِ نیام ءَ ٹیکنالوجی پارک آنی دیمروئی ءَ پاکستان دمگی ءُ جھان ءِ تک ءَ انفارمیشن ٹیکنالوجی ءِ واستہ یک ھاسیں اقتصادی مرکز ءِ جوڑ بیت، ھاسیں اقتصادی زون آنی دیمروئی راجی معیشت ءِ واستہ پاکستان ءِ حکومت ءِ وژن ءِ کلیتی عنصر اِنت۔