زرئی آلودگی معیشت ءُ جان سلامتی ءِ ھاترا مزنیں ھترہ یے، بنجاھی وزیر زرئی امور جنید انوار چوہدری

اسلام آباد۔17جولائی (اے پی پی): بنجاھی وزیر برائے سمندری کار جندان انور چوہدری ءَ گوشت کہ سمندری آلودگی معیشت ءُ جان سلامتی ءِ واستہ مزنیں ھترہ اِنت، سمندری آلودگی ءِ ھلاپ ءَ یک موثریں سرکاری مہم ءِ چلائینگ ءِ ضلورت اِنت۔ بنجاھی وزیر برائے محمد جندان انور چوہدری ءِ سروکی ءَ سمندری آلودگی ءِ گر ءُ دار ءِ بورڈ ءِ دیوان برجم دارگ بوت ایشی ءِ تہ ءَ سمندری آلودگی ءِ گر ءُ دار ءِ واستہ ھاسیں گامگیج چست کنگ بوت۔ گند ءُ نند ءِ ساھت ءَ بنجاھی وزیر برائے دریائی امور ءَ گوشت کہ حکومت دریائی چاگرد ءِ رکھینگ ءُ پائیدار دیمروئی ءِ واستہ جزم انت، دریائی آلودگی معیشت ءُ جان سلامتی ءِ واستہ یک مزنیں ھترہ یے، دریائی آلودگی ءِ ھلاپ ءَ یک موثریں سرکاری مہم ءِ چلائینگ ءِ ضلورت انت، ماہی گیری، جان سلامتی ءُ جہاز رانی ءِ نیمگ ءَ یک موثریں سرکاری مہم ءِ چلائینگ ءِ ضلورت انت۔ ماہی گیری ءِ کمیونٹیز ءَ را دریائی آلودگی ءِ سبب ءَ خطرہ ءِ تہا انت، کراچی ءِ کوہ ءِ کش ءُ گوری دمگ آلودگی ءِ تہا ہترناکیں کچے ءَ گیشی بوتگ، گندی آپ ءُ صنعتی ردی ءِ دریا ءِ تہا آہگ ءَ را بند کنگ ءِ زوتیں ضلورت انت، آلودگی ءِ سبب ءَ بندرگاہ ءِ بنیاتی ڈھانچہ ءَ را سک باز تاوان رسگ ءَ انت۔ آئی ءَ گوشت کہ ردی ءِ گر ءُ دار ءِ واستہ دریا آنی کش ءُ گور ءِ نالہ ءُ باڑ آنی سر ءَ نیٹ ایر کنگ ءِ تجویز پیش کنگ بوتگ، منورہ ءُ بابا بھٹ جزیرہ آنی تہ ءَ ترندی ءَ گوں نوکیں سیوریج ٹریٹمنٹ پلانٹ جوڑ کنگ ءِ ضلورت اِنت۔ گند ءُ نند ءِ تہا اے گپ پدر بوت کہ کراچی ءَ روچے 472 لکھ گیلن گندی آپ پیداک بیت ۔