بنجاھی وزیر داخلہ ءِ سروکی ءَ ملک ءِ رکھینگ ءِ سیت ءَ بہادری ءِ درشان کنوکیں مردمانی واستہ کلیئر سول ایوارڈز ءِ نامینگی ءِ چار ءُ تپاسی ءِ دیوان

اسلام آباد۔17جولائی (اے پی پی): بنہار ڈویژن ءَ بنجاھی وزیر داخلہ محسن نقوی ءِ سروکی ءَ یک ھاسیں دیوان ءِ برجم دارگ بوت کہ ایشی ءِ تہ ءَ ملک ءُ راج ءِ رکھینگ ءِ سیت ءَ بہادری ءُ دلیری ءِ درشان کنوکیں مردمانی واستہ کلیئر سول ایوارڈز ءِ نامینگی آنی چار ءُ تپاسی کنگ بوت۔ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ دیوان ءَ جتا جتائیں سول ایوارڈ آنی واستہ سرجم ءَ 71 مردم آنی منظوری دیگ بوتگ۔ دیوان ءَ گوں گشتانک دیان ءَ وزیر ءِ تہی کار محسن نقوی ءَ گوشت کہ ملک ءُ راج ءِ رکھینگ ءِ واستہ وتی جان ندر کتگ ءُ غیر معمولی بہادری ءِ درشان کتگ آں آں دلبڈی دیگ سک باز المی انت۔ محسن نقوی ءَ گوشت کہ اے مردماں وتی جان ءِ ھیالداری ءَ ابید ملک ءِ بے دروریں ھزمت کتگ، راج اے بہادریں زھگ آنی ابدمانیں منت وار مانیت۔ وزیر داخلہ ءَ گوشت کہ ملک ءِ شہید مئے سر ءِ تاج انت، آوانی نمیرانیں قربانی مدام یات کنگ بہ بنت۔ غازی راج ءِ شان اَنت ایشانی دلیری ءِ سر ءَ ھمک مردم ءَ پھر اِنت۔ محسن نقوی ءَ گوشت کہ شھید ءُ غازی آنی قربانی کدی ھم بے سوب ءَ روگ ءَ موہ دیئگ نہ بیت۔ دیوان ءِ تہ ءَ سپیشل سیکرٹری داخلہ، ایڈیشنل سیکرٹری داخلہ، ایڈیشنل سیکرٹری کابینہ ڈویژن، ڈپٹی ڈی جی آئی بی ءُ مزنیں کارندہ آنی بھر زوری بوتگ وھدیکہ درستیں صوبگ آزات کشمیر ءُ گلگت بلتستان ءِ ایڈیشنل چیف سیکرٹری ءُ سیکرٹری ہوم ءَ زوم دیوان ءَ گند ءُ نند ءَ بھر زرتگ۔