صدر ءِ مملکت آصف علی زرداری ءَ قلات ءَ مسافر بس ءِ سر ءَ ناشرکاری اُرش ءِ تچکیں مذمت

اسلام آباد۔16جولائی (اے پی پی): صدر ءِ مملکت آصف علی زرداری ءَ بلوچستان ءِ شھر قلات ءَ مسافر بس ءِ سر ءَ بزدلیں ناشرکاری اُرش ءَ را تچکیں رنگ ءَ مذمت کتگ ءُ گْوشتگ کہ بے گناہیں لس مھلوک ءَ نشانگ جوڑ کنگ سکیں زالم ءُ مذمت ءِ کارے ۔ چار شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ اے وئیل ءِ تہ ءَ جانی بیرانی ءِ سر ءَ سک باز رنج ءُ گم ءِ درشانی کتگ ءُ گوشت کہ بے گناھیں شہری آناں نشانگ جوڑ کنگ سکیں زالم ءُ مذمت ءِ لائکیں کارروائی اِنت۔ صدر ءِ مملکت ءَ گوشت کہ ناشرکار امن ءُ ایمنی ءِ سبوتاژ کنگ لوٹ اَنت، آ انسانیت ءُ امن ءِ دژمن اَنت۔ آئی ءَ گوشت کہ راج ءِ کمک ءَ چہ ما ناشرکاری ءِ آفت ءَ را سرجمی ءَ ھلاس کن ایں، ءُ ریاست سرجمیں زور ءَ گوں ناشرکاری ءِ ھلاپ ءَ گامگیج برجاہ دار ایت۔ صدر ءِ مملکت ءَ سیادی داروکیں ادارگ آناں ہدایت کتگ کہ ٹپیگ آناں ترندیں ءُ جوانیں دوا ءُ درمان ءِ آسراتی پجاری بہ کن اَنت۔ صدر ءِ مملکت ءَ وئیل ءَ بیران بوتگیں مردم آنی پشومانی ءِ گوما دلپدردی ءِ درشان کت۔