ایڈمرل نوید اشرف ءِ سروکی ءَ پاک بحریہ ءِ کمانڈ ءُ اسٹاف کانفرنس

اسلام آباد۔16جولائی (اے پی پی): پاک بحریہ ءِ کمانڈ اینڈ اسٹاف کانفرنس نیول ہیڈ کوارٹر اسلام آباد ءَ بوت۔ پاک بحریہ ءِ سروک ایڈمرل نوید اشرف ءَ کانفرنس ءِ سروکی ءَ کت۔ آئی ایس پی آر ءِ رد ءَ کانفرنس ءَ گوں تران کنان ءَ ایڈمرل نوید اشرف ءَ جنگ ءِ وھد ءَ بے رکاوٹیں سمندری دیمپانیی صلاحیت، دریائی راہ آنی سر ءَ تجارت ءِ آسانی ءُ بندرگاہ آنی سر ءَ بے رکاوٹ آپریشن ءَ را دل یکیمی کنگ ءِ واستہ پاک بحریہ ءِ کوشست آناں ساڑات۔ چیف آف نیول اسٹاف ءَ ممکنہ روایتی ءُ غیر روایتی ھترہ آنی گر ءُ دار ءِ واستہ جنگی وھد ءِ تیاری ءَ را برجائی ءِ سر ءَ زور پر دات۔ آئی ءَ دریائی نگرانی ءُ آپریشن ءِ واستہ ڈرون، آپ ءِ چیر ءُ سرفیس ءِ سر ءَ وت مہ وتی گاڑی (بحری ڈرون) ءِ ارزشت ءِ سر ءَ زور پر دات۔ چیف آف نیول اسٹاف،پرنسپل اسٹاف افسر ءُ فلیٹ کمانڈر آنی سروکی ءَ کانفرنس ءَ پاک بحریہ ءِ سوبمندی ءُ منصوبگ آنی سر ءَ چار ءُ تپاسی کنگ بوت۔